રવિન્દ્ર જાડેજાએ રિવાબા માટે ચૂંટણી પ્રચાર શરૂ કર્યો, વીડિયો પોસ્ટ કરીને જુઓ શું અપીલ કરી?

જાડેજાએ પોતાના ફેન્સને શું અપીલ કરી?
આ વીડિયોમાં રવિન્દ્ર જાડેજા કહી રહ્યા છે કે, વિધાનસભાની ચૂંટણીમાં આ વખતે ભાજપના નેતાઓએ જામનગરમાં તેમના પત્ની રિવાબા પર પસંદગીનો કળશ ઢોળ્યો છે. રિવાબા આજે સવારે 11.30 વાગ્યે ઉમેદવારી ફોર્મ ભરવા માટે જવાના હોવાથી રવિન્દ્ર જાડેજાએ પોતાના ફેન્સ, ભાજપના કાર્યકરો સહિતના લોકોને ત્યાં જંગી જનમેદનીથી સમર્થન કરવા પહોંચવા માટે અપીલ કરી છે.

જામનગર ના મારા તમામ મિત્રો ને મારુ દીલ થી આમંત્રણ છે. જય માતાજી?? pic.twitter.com/olZxvYVr3t

— Ravindrasinh jadeja (@imjadeja) November 13, 2022

નણંદ-ભાભી સામ સામે ચૂંટણી પ્રચાર કરતા જોવા મળશે
થોડા દિવસ પહેલા જ નયાના બાએ કટાક્ષ કરતા આડકતરો વાર રિવાબા પર કર્યો હતો. તેમણે કહ્યું હતું કે જામનગર ઉત્તરની બેઠક પરથી જો ભાજપ નવો ચહેરો મેદાનમાં ઉતારશે તો અવશ્ય હારનો સામનો કરશે. તેવામાં રવિન્દ્ર જાડેજાના પત્ની રિવાબાને જ જામનગર ઉત્તરની ટિકિટ મળી જતા મુદ્દો વધુ ગરમાયો છે. એવામાં હાલ નયના બા કોંગ્રેસ માટે ચૂંટણી પ્રચાર કરી રહ્યા છે. ત્યારે જામનગર ઉત્તર સીટ પર નણંદ-ભાભી જ સામ સામે એકબીજાના પક્ષને હરાવવા પ્રચાર કરતા જોવા મળશે. ત્યારે ખાસ જોવાનું રહેશે કે બંનેમાંથી આ વખતે કોને કોણ બાજી મારી જાય છે.