Rajya Sabha Election: ભાજપ ગુજરાતમય! મોદી-શાહ બાદ નડ્ડા પણ બનશે 'ગુજરાતી'

સમાચાર હાઇલાઇટ્સ

રાજ્યસભાની ચૂંટણી માટે ઉમેદવારોની જાહેરાત

ભારતીય જનતા પાર્ટીએ જાહેર કર્યા ઉમેદવારો

જે.પી નડ્ડા ગુજરાતથી લડશે લોકસભાની ચૂંટણી

Rajya Sabha Election 2024: ભારતીય જનતા પાર્ટી દ્વારા રાજ્યસભાની ચૂંટણી માટે ઉમેદવારોની જાહેરાત કરી દેવામાં આવી છે. ભાજપ દ્વારા ગુજરાતના 4 ઉમેદવારોના નામની જાહેરાત કરાઈ છે. ભાજપ દ્વારા જે.પી.નડ્ડા, ગોવિંદ ધોળકિયા, મયંક નાયક અને જશવંતસિંહ પરમારના નામની જાહેરાત કરવામાં આવી છે. આ તમામ ઉમેદવારો આવતીકાલે ફોર્મ ભરશે.

ભાજપની 'નો રિપીટ થિયરી'

કેન્દ્રીય ચૂંટણી પંચ દ્વારા ગુજરાતની 4 બેઠક સહિત રાજ્યસભાની 56 બેઠકો માટે ચૂંટણીનો કાર્યક્રમ જાહેર કરી દેવામાં આવ્યો છે. જેમાં 56 ખાલી પડેલી બેઠક પર 27 ફેબ્રુઆરીના રોજ ચૂંટણી યોજાવાની છે. ત્યારે ભાજપ દ્વારા ગુજરાતની 4 બેઠક માટે ઉમેદવારોની જાહેરાત કરી દેવામાં આવી છે. ભારતીય જનતા પાર્ટી દ્વારા આ વખતે 'નો રિપીટ' થિયરી અપનાવવામાં આવી છે.

આ ચાર નેતાઓનું જાહેર કરાયું નામ

ભારતીય જનતા પાર્ટી દ્વારા આ વખતે મનસુખ માંડવીયા અને પરસોત્તમ રૂપાલાને ટિકિટ આપવામાં આવી નથી. ગુજરાતમાંથી ભાજપે જે.પી.નડ્ડા, ગોવિંદ ધોળકિયા, મયંક નાયક અને જશવંતસિંહ પરમારનું નામ જાહેર કરાયું છે.

કેન્દ્રીય ચૂંટણી સમિતિ દ્વારા ગુજરાતમાં આગામી રાજ્યસભાની ચૂંટણી માટે ઉમેદવારોના નામ જાહેર કરવામાં આવ્યા.

તમામ ઉમેદવારોને ખૂબ ખૂબ અભિનંદન અને શુભકામના pic.twitter.com/47IhFZBqxY
— BJP Gujarat (@BJP4Gujarat) February 14, 2024

કોંગ્રેસે ફોર્મ ન ભરવાની કરી છે જાહેરાત

આપને જણાવી દઈએ કે, ગુજરાતની ચારેય બેઠક ભાજપના ફાળે જવાની છે. કારણ કે અત્યાર સુધી 2 બેઠક ભાજપ અને 2 બેઠક કોંગ્રેસ પાસે હતી. જોકે, આ વખતે કોંગ્રેસે ફોર્મ ન ભરવાની જાહેરાત કરી દીધી છે.