પાણી પહેલા પાળ, રાજકોટ પોલીસ કમિશ્નરે માસ્ક કર્યું ફરજિયાત, જાણો કોના માટે નિયમ પડશે લાગુ ?

વિશ્વભરમાં કોરોનાનું સંક્રમણ સતત વધી રહ્યું છે ત્યારે ગુજરાતમાં કોરોનાના સંક્રમણને લઈને નક્કર પગલાં લેવાનું શરૂ કરી દેવામાં આવ્યું છે. કોરોનાનો પગપેસારો થાય તે પહેલા રાજકોટ પોલીસ કમિશ્નર ઓફિસમાં માસ્ક ફરજિયાત કરવામાં આવ્યું છે.   કોરોનાની એન્ટ્રી થતા પોલીસ કમિશનર રાજુ ભાર્ગવે મહત્વનો આદેશ આપ્યો છે. હવે  કમિશનર ઓફિસમાં તમામ સ્ટાફે માસ્ક પહેરવું ફરજિયાત બન્યું છે.

રાજકોટમાં વિદેશથી આવેલ  યુવતીનો કોરોનાનો રિપોર્ટ પોઝિટિવ
રાજકોટ શહેરમાં વિદેશથી આવેલ યુવતીનો કોરોનાનો રિપોર્ટ પોઝિટિવ આવ્યો  હતો. ઓસ્ટ્રેલિયાથી રાજકોટ પહોંચનાર વિદેશી યુવતીનો કોરોનાનો રિપોર્ટ પોઝિટિવ આવતા રાજકોટ શહેરમાં ખળભળાટ મચી ગયો હતો. રાજકોટમાં ઓસ્ટ્રેલિયાથી આવેલી યુવતીનો રિપોર્ટ પોઝિટીવ આવતા રાજકોટ શહેરના વોર્ડ નંબર સાતમાં આરોગ્ય વિભાગની ટીમ દોડી ગઈ છે અને આઈસોલેશન સહિતની કામગીરી શરૂ કરી દેવામાં આવી હતી.

વિથ ઈનપુટ: નિલેશ શીસાંગિયા, રાજકોટ