રાજકોટમાં રસ્તા વચ્ચે 5 ગાડીઓ ઊભી રાખી બર્થ-ડે ઉજવનારા નબીરાઓએ પોલીસનો કોલર પકડી ઝપાઝપી કરી

શું હતો સમગ્ર મામલો?
રાજકોટમાં વિશાલ જોશી નામના યુવકનો બર્થ-ડે હતો. જેના સેલબ્રેશન માટે 5 કાર લઈને 9 શખ્સો સ્વામિનારાયણ ચોક પાસે આવ્યા હતા. તમામે રસ્તા વચ્ચે કાર ઊભી રાખી અને સ્પ્રેથી જાખમી આગ લગાડી રસ્તા વચ્ચે ડાંસ કરતા હતા. જેના કારણે અન્ય વાહનચાલકોને પરેશાની થઈ રહી હતી. જેનો વીડિયો પણ સામે આવ્યો હતો. જેથી પોલીસ કન્ટ્રોલ રૂમને કોઈ વ્યક્તિએ રાત્રે ફોન કર્યો હતો.

પોલીસનો કોલર પકડી ગેરવર્તણૂક કરી
દરિયાન PSI પી.એલ ધામા સહિત પેટ્રોલિંગમાં રહેલો સ્ટાફ સ્થળ પર પહોંચી તો તેમણે જોયું કે જાહેર રોડ પર પાંચ કાર પડી છે અને કારની બોનેટ પર 5થી 6 કેક રાખીને લોકો ત્યાં ભેગા થયા હતા. જે બાદ પોલીસે ત્યાં જઈને તેમને રસ્તા પરથી કાર સાઈડમાં લેવા માટે કહ્યું હતું. જે બાદ ભડકેલા ઈશાન જો અને વિશાલ જોશીએ પોલીસ સાથે જ ઝપાઝપી કરવાનું શરૂ કરી દીધું હતું. તેમની સાથેના શખ્સોએ PSIનો કોલર પકડીને નેમ પ્લેટ અને વરદીના શર્ટનું બટન તોડી નાખ્યું હતું. જેથી PSIએ મદદ માટે સિટી કન્ટ્રોલ રૂમને જાણ કરી હતી. પોલીસની અન્ય ગાડીઓ ત્યાં પહોંચતા જ આરોપીઓ ભાગવા લાગ્યા હતા.

તમારા વ્હોટ્સએપ પર વધારે સમાચારો અને બ્રેકિંગ ન્યૂઝ મેળવવા માટે ક્લિક કરો…