રાજીવ શુક્લાનો ભાજપ પર કટાક્ષ, કહ્યું- અહીં તો કપડા બદલાય તેમ મુખ્યમંત્રી ચેન્જ થાય છે, કોંગ્રેસ જ બાજી મારશે

કપડાની જેમ મુખ્યમંત્રીઓ બદલાય છે- રાજીવ શુક્લા
અમદાવાદમાં રાજીવ શુક્લાએ મીડિયા સાથેની વાતચીતમાં ભાજપ પર કટાક્ષ કર્યો છે. તેમણે કહ્યું છે કે અહીં તો કપડાની જેમ મુખ્યમંત્રીઓ બદલવામાં આવી રહ્યા છે. ગત ચૂંટણીમાં કોંગ્રેસની સરકાર બનતા બનતા રહી ગઈ હતી. પરંતુ હવે આ ચૂંટણીમાં કોંગ્રેસ જ બાજી મારી જશે. અમારી સરકાર બનવી નિશ્ચિત છે.

છત્તીસગઢમાં કોંગ્રેસ પર 0 રૂપિયાનું દેવુ
આની સાથે રાજીવ શુક્લાએ કહ્યું કે છત્તીસગઢમાં અમારી સરકાર છે. જ્યાં રાજ્યની માથે એકપણ રૂપિયાનું દેવું નથી. અમારી સરકારે છત્તીસગઢમાં સારી વ્યવસ્થા કરી છે. લોકો ગૌ મૂત્ર વેચીને રૂપિયા કમાય છે. આની સાથે રાજીવ શુક્લાએ કહ્યું કે મોંઘવારી, રોજગારી, શાંતિ સ્થાપવા માટે કોંગ્રેસ સરકાર જ કારગાર નીવડી શકે તેમ છે.