રાહુલ ગાંધીએ ભાજપ પર કર્યા આકરા પ્રહાર કહ્યું, સરકાર 24 કલાક ભય ફેલાવવામાં વ્યસ્ત

રાહુલ ગાંધીએ કહ્યું કે હિંદુ ધર્મમાં ક્યાં લખ્યું છે કે કમજોર હોય મારી નાખો, મેં ગીતા ઉપનિષદ વાંચ્યું છે, તેમાં ક્યાંય લખ્યું નથી. ભાજપ સરકારમાં ભય ફેલાયો છે. આ સરકાર ચોવીસ કલાક ભય ફેલાવવામાં લાગેલી છે. લાલ કિલ્લા પરથી ભાજપ સરકાર પર પ્રહાર કરતા રાહુલ ગાંધીએ કહ્યું કે,  વડાપ્રધાન પર લગામ લાગેલી છે. તેઓ ખેડૂતો અને યુવાનોમાં ભય ફેલાવવામાં વ્યસ્ત છે. યાત્રામાં ક્યાંય હિંસાની ઘટના બની નથી.

આ અદાણી અંબાણીની સરકાર છે
રાહુલ ગાંધીએ કહ્યું કે ભારતને નફરતથી મુક્ત કરવાની જરૂર છે. આ યાત્રાનો ઉદ્દેશ્ય ભારતને જોડવાનો છે. મોદી સરકાર પર પ્રહાર કરતા તેમણે કહ્યું કે આ મોદીની સરકાર નથી પરંતુ અદાણી-અંબાણીની સરકાર છે. આ સરકારમાં દેશના યુવાનો  પકોડા બનાવવા મજબૂર છે.

દેશભરમાં એકતા છે
રાહુલે કહ્યું કે જ્યારે યાત્રાની શરૂઆત કરી ત્યારે એવું લાગતું હતું કે દેશમાં નફરત છે. પરંતુ આ સત્ય નથી. દેશભરમાં એકતા છે. આજે દેશમાંથી નફરતને નાબૂદ કરવાની જરૂર છે. 90 ટકા લોકો એકબીજાને પ્રેમ કરે છે. રાહુલે લાલ કિલ્લાની બાજુમાં મંદિર, મસ્જિદ અને ગુરુદ્વારાનું ઉદાહરણ આપ્યું.