રાહુલ ગાંધીએ ભારતનું રાષ્ટ્રગીત વગાડવા કહ્યું, નેપાળનું વાગતા થઈ જોવાજેવી; ભાજપે કોંગ્રેસને ટ્રોલ કરી

રાહુલ ગાંધીએ ઈશારાથી કહ્યું ખોટું રાષ્ટ્રગીત છે બદલો….
કેરળ અને કર્ણાટક પછી ભારત જોડો યાત્રા મહારાષ્ટ્ર પહોંચી છે. મહારાષ્ટ્રના વાશિમમાં જનસભાને સંબોધતા રાહુલ ગાંધીનો વીડિયો વાઈરલ થયો છે. આમાં રાહુલ ગાંધીએ કહ્યું કે રાષ્ટ્રગીત વગાડો. તેવામાં ભારતનું રાષ્ટ્રગીત વાગવાની જગ્યાએ ત્યાંથી નેપાળનું રાષ્ટ્રગિત વગાડવામાં આવે છે. નોંધનીય છે કે શરૂઆતમાં તો કોઈને જાણ નથી થતી કેમ કે મ્યૂઝીક વાગી રહ્યું છે. ચોંકાવનારી વાત એ રહી કે જ્યારે નેપાળના રાષ્ટ્રગીતના શબ્દો સંભળાયા ત્યારે બધાને ધ્યાનમાં આવ્યું કે આ તો ભારતનું રાષ્ટ્રગીત નથી એટલે રાહુલ ગાંધીએ તરત ઈશારો કરીને આને બદલવા ટકોર કરી હતી.

કોંગ્રેસને રાષ્ટ્રગીત તો આવડતું નથી અને ભારત જોડવા નીકળ્યાં છે ! pic.twitter.com/swQhpHIQVR

— BJP Gujarat (@BJP4Gujarat) November 17, 2022

ઉલ્લેખનીય છે કે આ વીડિયોને ગુજરાત ભાજપના ટ્વિટર અને સોશિયલ મીડિયા પેજ પર પણ શેર કરાવમાં આવ્યો છે. જેમાં કોંગ્રેસ પર નિશાન સાધીને તેમને રાષ્ટ્રગીત પણ ગાતા નથી આવડતું એવી રીતે ટ્રોલ કરવામાં આવી રહ્યા છે. નોંધનીય છે કે આ સમગ્ર ઘટનાક્રમ દરમિયાન રાહુલ ગાંધી પણ ઈશારામાં જાણો ગુસ્સાથી કહેતા હોય એમ વીડિયોમાં લાગી રહ્યું છે.