પોલીસે કેમ શરૂ કરી પિધેલા ઈસમોને પકડવાની વાન, ખાસ સર્ચ ઓપરેશન વિશે વાંચો

લોકોને ડૂબતા બચાવવા પોલીસની પહેલ
નર્મદા પોલીસ અને રાજપીપળા ટાઉન પોલીસે દારૂના દૂષણને ડામવા માટે એક ખાસ વાન દોડતી કરી હતી. ગણેશ વિસર્જન દરમિયાન કોઈ ઈસમ દારૂ પીને વિસર્જન કરવા ન જાય એની ખાસ કાળજી રખાશે. નોંધનીય છે કે ઉજવણી કરવાના ઉત્સાહમાં લોકો ભાન ન ભૂલે અને નશાયુક્ત પીણું ન પીવે એની તકેદારી પોલીસ રાખશે.

પીધેલી સ્થિતિમાં ઈસમોની ધરપકડ કરાશે
નર્મદા પોલીસ દ્વારા પીધેલી સ્થિતિમાં ગણેશ વિસર્જન કરવા આવતા લોકો સામે ચાપતી નજર રાખવમાં આવી રહી છે. નોંધનીય છે કે આ દરમિયાન પોલીસે એક ખાસ વાન પણ બનાવી છે. જેમાં બોર્ડ લગાવાયું છે કે પીધેલા ઈસમોને પકડવાની વાન. દારૂબંધી હોવા છતા લોકો હજુ પણ બેફામ દારૂ પીતા હોય છે. આને પગલે પોલીસ ચાપતી નજર રાખીને આવા ઈસમોને પકડવા માટે કાર્યરત થઈ ગઈ હતી.