VIDEO: બુટલેગરે કારની સીટમાં ચોરખાનું બનાવ્યું, એક બાદ એક દારૂની બોટલો નીકળતી જોઈ પોલીસ ચોંકી ગઈ

કારની પાછલી સીટ અને બમ્પરમાં દારૂ સંતાડવાનું ખાનુ
ઉના વિસ્તારમાં વિદેશી દારૂનો જથ્થો ભરીને કાર આવતી હોવાની બાતમી પોલીસને મળી હતી. જેના આધારે ગીમસોમનાથ પોલીસે વેરાવળ નજીક હિરણ નદીના પુલ પાસે એક કારને થોભાવી હતી. જેમાં કારમાં તપાસ કરતા પોલીસે પણ એક સમયે બાતમી ખોટી હોવાનું લાગ્યું. પરંતુ એલસીબીની ટીમે ઝીવણટભરી તપાસ કરતા કારમાં એવી-એવી જગ્યાએથી દારૂ મળ્યો કે પોલીસ પણ માથું ખંજવાળતી રહી ગઈ હતી.

વેરાવળમાં કારની પાછલી સીટમાં અને બમ્પરમાં સંતાડેલી દારૂની બોટલો મળી આવી#GujaratPolice #prohibition #liqour pic.twitter.com/J3mFdqqQGg

— Gujarat Tak (@GujaratTak) January 24, 2023

કારમાંથી 83 દારૂની બોટલો મળી આવી
કારની તપાસમાં પોલીસને પાછલી સીટમાં ચોરખાનું મળ્યું હતું. જેમાં હાથ નાખતા અંદરથી વિદેશી દારૂની મોંઘી દાટ બોટલો મળી આવી હતી. આ સાથે કારના પાછલા બમ્પરને ખોલીને તપાસ કરતા ત્યાં પણ એક ખાનું બનાવીને દારૂ સંતાડવામાં આવ્યો હોવાનું જણાયું હતું. આમ કારમાંથી પોલીસને 83 જેટલી બોટલો મળી આવી હતી. હાલમાં પોલીસે દારૂનો આ જથ્થો જપ્ત કરીને આગળની કાર્યવાહી હાથ ધરી છે.