PM મોદી આજે સાંજે ગુજરાત આવશે, આવતીકાલે અમદાવાદની આ સ્કૂલમાં કરશે મતદાન

રાણીપમાં મતદાન કરશે PM મોદી
વડાપ્રધાન મોદી આવતીકાલે સવારે આઠ વાગ્યે રાણીપની નિશાન સ્કૂલમાં મતદાન કરવા માટે જશે. આ ઉપરાંત તેઓ બીજા તબક્કાનું વધુમાં વધુ મતદાન થાય તે માટે નાગરિકોને અપીલ કરશે. સાથે તેઓ હીરાબાને પણ મળવા માટે જાય તેવી શક્યતા છે. નોંધનીય છે કે, PM મોદીના માતા હીરાબા 100થી વધુ ઉંમરના છે અને તેઓ દરેક ચૂંટણીમાં પોતાની ફરજ બજાવીને મતદાન કરવા માટે જતા હોય છે. ત્યારે આવતીકાલે પણ તેઓ પરિવારના સદસ્યો સાથે મતદાન કરવા માટે જઈ શકે છે.

બીજા તબક્કામાં મતદાન બુથ પર ફોન લઈ જવાથી પ્રતિબંધ
આવતીકાલે બીજા તબક્કાના મતદાનમાં ચૂંટણી પંચે મતદાન બુથમાં મોબાઈલ લઈ જવા પર પ્રતિબંધ લગાવ્યો છે. પ્રથમ તબક્કાના મતદાન બાદ બુથની અંદર વોટિંગ કરતા કેટલાક વીડિયો તથા ફોટો વાઈરલ થયા હતા. જે બાદ ચૂંટણી પંચ દ્વારા આ નિર્ણય લેવામાં આવ્યો છે. સાથે જ મતદારોને અપીલ કરવામાં આવી છે કે, વોટર ઇન્ફોર્મેશન સ્લીપ એટલે કે મતદાર કાપલી માત્ર મતદાન બુથની જાણકારી માટે છે, એ કાપલી મતદાન કરવા માટેના ઓળખ દસ્તાવેજ તરીકે માન્ય રહેશે નહીં. મતદારોએ આ માટે જરૂરી ઓળખ પુરાવા પોતાની સાથે લઈને જવા અપીલ કરાઈ છે.