કોંગ્રેસે 4 કરોડ નકલી રેશન કાર્ડ બનાવ્યા હતા, કટકી કરવા ન મળે એટલે મને ગાળો બોલે છે: PM મોદી

કોંગ્રેસ પર મૂક્યા ભ્રષ્ટાચારના આક્ષેપ
PM મોદીએ કહ્યું કે, કોંગ્રસના રાજમાં કરોડોના ગોટાળા થતા, આ હું નથી કહેતો છાપાવાળા લખતા હતા. મારા આવ્યા પછી તમને આવું વાંચવા નહીં મળ્યું હોય, આ બધા પૈસા બચ્યા અને તમારા માટે કામ આવ્યા. ભ્રષ્ટાચાર પકડાય છે એટલે એમના પેટમાં તેલ રેડાય છે. કોંગ્રેસીઓ રાશનકાર્ડમાંથી ગરીબોનું અનાજ પણ ખાઇ ગયા છે. 4 કરોડ એવા રેશનકાર્ડ હતા જે વ્યક્તિનો જન્મ જ નહોતો થયો, એના લગ્ન થઈ ગયા હોય, સમુહ લગ્નના પૈસા મળે પછી વિધવા પેન્શન લેતા. આ કોંગ્રેસીઓ આવું કરતા. આવા 4 કરોડ રેશનકાર્ડ કેન્સલ કરી મેં આગળનો રસ્તો કર્યો. ટ્રકમાં માલ ચડ્યાથી ગ્રાહકને મળે ત્યાં સુધી ટ્રેકિંગ થાય છે. કટકી કરવા ન મળે એટલે મોદીનો ગાળો બોલે.

કોરોનામાં 80 કરોડ લોકોને મફત અનાજ આપ્યું
PMએ કહ્યું કે, 1 નેશન, 1 કાર્ડ સમગ્ર દેશમાં લાગુ છે. ઘરમાં ગંભીર માંદગી આવી હોય તો ગરીબ માણસ પાંચ વર્ષ દેવામાંથી બહાર ન આવે. અમે મા કાર્ડ જેવી યોજનાઓ લાવી અને ગરીબોની મદદ કરવાનું શરૂ કર્યું. કોરોનામાં આખી દુનિયા અધ્ધર થઇ હતી, આપણા પગ જમીન પર રહ્યા. આ દેશનો કોઇ ગરીબ ભુખ્યો ન રહે તેની ચિંતા અમે કરી. ત્રણ વર્ષ સુધી 80 કરોડ લોકોને મફતમાં અમે અનાજ આપ્યું.

વોટિંગના તમામ રેકોર્ડ તોડવા અપીલ કરી
વડાપ્રધાને આ સાથે જ 5મી ડિસેમ્બરના રોજ બનાસકાંઠામાં વધુમાં વધુ મતદાન કરીને કમળ ખીલવવા માટે હાકલ કરી હતી અને મતદાનના તમામ રેકોર્ડ તોડવા માટે અપીલ કરી હતી.