Gujarat Elections: PM Modi એ સામાન્ય લોકોની જેમ લાઈનમાં ઊભા રહી રાણીપની સ્કૂલમાં કર્યું મતદાન

આજે PM મોદી રાણીપ મતદાન કેન્દ્ર ખાતે મતદાન કરવા આવી રહ્યા હોવાથી રાણીપ મતદાન કેન્દ્ર ખાતે સુરક્ષા વ્યવસ્થા ગોઠવાઈ છે. વડાપ્રધાન મોદીના સમર્થકો સવારથી જ રાણીપ ખાતે પહોંચી ગયા હતા. સમર્થકો ‘મોદી મોદી’ના નારા લગાવી રહ્યા છે. મતદાન કેન્દ્રની બહાર કેસરી ટોપી સાથે મોટી સંખ્યામાં સમર્થકો હાજર રહ્યા હતા.

વડાપ્રધાન નરેન્દ્ર મોદીએ માતાના લીધા આશીર્વાદ 
બીજા તબક્કામાં વડાપ્રધાન મોદીનું પણ મતદાન હોવાથી તેઓ ગઈકાલે સાંજે અમદાવાદ આવી પહોંચ્યા હતા. વડાપ્રધાન મોદીએ પહેલા મહંતસ્વામીના આશિર્વાદ લીધા હતા. ત્યાર બાદ તેઓ પોતાના માતા હીરા બાના આશીર્વાદ લેવા માટે ગાંધીનગર પહોંચ્યા હતા. હીરાબાને મળવા માટે તેઓ ભાઇના નિવાસ સ્થાન વૃંદાવન -2 બંગ્લોઝમાં મળવા માટે પહોંચ્યા હતા.