PM મોદી દાંતામાં વિકાસ કાર્યોનું ખાતમુહુર્ત અને લોકાર્પણ કરશે, અંબાજી માતાના આશિર્વાદ પણ લેશે

મેટ્રો ટ્રેનને મળ્યું ગ્રિન સિગ્નલ
ગુજરાતના બે દિવસના પ્રવાસે આવેલા વડાપ્રધાન નરેન્દ્ર મોદીએ આજે સવારે ગાંધીનગર-મુંબઈ વંદે ભારત એક્સપ્રેસ ટ્રેનને લીલીઝંડી આપી હતી. આ બાદ તેઓ વંદેભારત ટ્રેનમાં મુસાફરીને કાલુપુર પહોંચ્યા હતા. જ્યાં તેમણે અમદાવાદ મેટ્રોનું પ્રસ્થાન કરાવ્યું હતું. વડાપ્રધાન મોદીએ કાલુપુર મેટ્રો સ્ટેશનની મુલાકાત લીધી હતી અને મેટ્રો ટ્રેનને લીલીઝંડી આપીને પ્રસ્થાન કરાવ્યું હતું. સાથે જ તેમણે AES ખાતે મેટ્રોના પ્રથમ ફેઝનું લોકાર્પણ કરાવ્યું હતું.

વડાપ્રધાને મેટ્રોની સવારી કરી
વડાપ્રધાન નરેન્દ્ર મોદીએ મેટ્રો ટ્રેનનું પ્રસ્થાન કરાવીને તેમાં મુસાફરી પણ કરી હતી. આ દરમિયાન તેમની સાથે મુખ્યમંત્રી ભૂપેન્દ્ર પટેલ, ભાજપના પ્રદેશ પ્રમુખ સી.આર પાટીલ સહિત અન્ય આગેવાનો પણ જોવા મળ્યા હતા.