કોંગ્રેસના ધારાસભ્યના FB એકાઉન્ટથી લોકોને મેસેજ ગયા, પૈસાની અત્યંત જરૂર છે, તાત્કાલિક PayTM કરો

ધારાસભ્યનું ફેસબુક એકાઉન્ટ હેક
પાટણમાં સોમવારે મતદાન પૂર્ણ થયા બાદ કોંગ્રેસના ધારાસભ્ય ડો. કિરીટ પટેલનું સોશિયલ મીડિયા એકાઉન્ટ કોઈ અજાણ્યા વ્યક્તિ દ્વારા હેક કરી નાખવામાં આવ્યું હતું. જે બાદ હેકરે ડો. કિરીટ પટેલના અંગત મિત્રો અને જાણીતા લોકોને મેસેજ કર્યા હતા અને પૈસાની અત્યંત જરૂર છે એમ કહીને તાત્કાલિક તેમના PayTMમાં પૈસા નાખવા માટેનો મેસેજ કર્યો હતો.

ધારાસભ્યએ મિત્ર વર્તુળને જાણ કરી પૈસા ન આપવા કહ્યું
જોકે આ મામલે ડો. કિરીટ પટેલના મિત્ર વર્તુળ દ્વારા તેમને ફોન કરીને જાણ કરવામાં આવી હતી. જેથી ધારાસભ્યએ પણ તાત્કાલિત તેમને પોતાના મિત્ર વર્તુળના લોકોને આ અંગે જાણ કરી હતી અને કોઈને પણ આ રીતે મેસેજ આવે તો નાણાકીય વ્યવહાર ન કરવા માટે જાણ કરી હતી.