પાટણમાં બસ દુર્ઘટનાગ્રસ્ત થતા 38 લોકો ઘાયલ, 1નું ઘટનાસ્થળે મોત

દુર્ઘટનાગ્રસ્ત બસનો રૂટ
આ બસ દુર્ઘટનાના વીડિયો અત્યારે સામે આવી રહ્યા છે. જેને જોતા બસ રસ્તા પરથી ઓફ ટ્રેક થઈ ગઈ હોવાનું જોવા મળી રહ્યું છે. આ દરમિયાન બસ લગભગ પલટી મારી ગઈ હતી. જેને જોતા અંદર સવારી કરનારા મુસાફરો ગંભીર ઈજાઓ થયું હોવાનું અનુમાન લગાવાઈ રહ્યું છે. આ બસ ડિસાથી છોટા ઉદેપુર તરફ જઈ રહી હતી, ત્યારે સિદ્ધપુર – ઉંઝા હાઈવે પર દુર્ઘટનાગ્રસ્ત થઈ હતી.

સ્થાનિકોએ એમ્બ્યુલન્સ બોલાવી
દુર્ઘટનાગ્રસ્ત બસની આસપાસ લોકોની ભીડ ભેગી થઈ ગઈ હોવાનું વીડિયોમાં જોવા મળી રહ્યું છે. આ દરમિયાન લોકોએ એમ્બ્યુલન્સને પણ તકેદારીના ભાગ રૂપે ફોન કરીને બોલાવી લીધી હતી. જેમાં દુર્ઘટનામાં ઈજાગ્રસ્ત લોકોને પાટણ હોસ્પિટલ ખાતે ખસેડવામાં આવી રહ્યા છે.

દુર્ઘટનામાં ઘાયલ દર્દીઓથી હોસ્પિટલ ઉભરાઈ ગઈ
હોસ્પિટલ જોતજોતામાં દુર્ઘટનાગ્રસ્ત લોકોથી ઉભરાઈ ગઈ હતી. અહીં ડોકટરોએ દર્દીઓની પ્રાથમિક સારવાર પણ હાથ ધરી દીધી હતી. જ્યાં તેમને ડ્રેસિંગ કરવાથી લઈ બોટલ ચઢાવવાની કામગીરી હાથ ધરી દેવામાં આવી હતી.

અકસ્માતની તસવીરો…

With Input – Vipin bhai