મત માગવા નીકળેલા નેતાનો બફાટ, કહ્યું- અમને સસ્તું નહીં, 200 રૂ. ડીઝલ અને 250 રૂ. પેટ્રોલ જોઈએ

પબુભાએ જાહેર મંચ પરથી આપ્યું વિવાદિત નિવેદન
દ્વારકાની સીટ પરથી ભાજપના ઉમેદવાર એવા પબુભા માણેકનો એક વીડિયો હાલમાં સામે આવી રહ્યો છે. આ વીડિયોમાં પબુભા જાહેર મંચ પરથી એક વિવાદિત નિવેદન આપતા દેખાય છે. એક જાહેર સભામાં પબુભા લોકોને પૂછે છે, આપણા વડીલો પાસે મોબાઈલ ફોન હતા? મોટરસાયકલ હતા, ફોરવ્હીલ હતા? જે રીતે અમારા વડીલોના તમે લોહી ચૂસ્યું છે. સસ્તાઈ, સસ્તાઈ કરી છે, પણ અમને સસ્તાઈ નથી જોતી. અમને 200 રૂપિયાનું ડીઝલ જોઈએ, 250 રૂપિયાનું પેટ્રોલ જોઈએ અને લાખ રૂપિયામાં આવક જોઈએ. આ મોંઘવારી નથી ફુગાવો છે. અમને 200 રૂપિયાનું પેટ્રોલ પોસાશે.

નેતાજીને મોંઘવારી નથી નડતી
નોંધનીય છે કે, હાલમાં મોંઘવારી આસમાને પહોંચી છે. જીવન જરૂરિયાતની દરેક વસ્તુઓના ભાવ વધ્યા છે. એવામાં નેતાઓ મનફાવે તેમ બફાટ કરી રહ્યા છે, જાણે તેમને આ મોંઘવારીથી કોઈ ફરક જ નથી પડી રહ્યો એમ લાગી રહ્યું છે, પરંતુ હકીકતમાં ગરીબ અને મધ્યમ વર્ગ તેમાં પીડાઈ રહ્યો છે.