પ્રેમિકાને મળવું કુખ્યાત ફરાર આરોપીને ભારે પડ્યું, પોલીસે ફરાર સૂકા ડુંડને દબોચી લીધો

ભિલોડાના ડોડીસરાથી જડપાયો આરોપી 
આરોપી સૂકા ડુંડને કોર્ટમાંથી જામીન મળતા પોલિસ પહેરા વચ્ચે તે ઘરે આવ્યો હતો. જેમાં એક પીએસઆઈ અને સાત પોલિસ કર્મચારીઓ તેના ઘરની આજુબાજુમાં પહેરો કરી રહ્યાં હતાં. આ પહેરા વચ્ચે આરોપી ગઇકાલે ફરાર થયો હતો. જિલ્લા LCB, SOG સહિતની ટિમોએ આરોપીને ઝડપી લેવા તપાસ હાથ ધરી હતી. આ આરોપીને પકડવા ભિલોડા પીઆઇ એમ.જી વસાવા સહિત 20 પોલીસની ટીમ તૈયાર કરવામાં આવી હતી. આ ટીમે કુખ્યાત આરોપીને ભિલોડાના ડોડીસરાથી ઝડપી પડ્યો છે.

પ્રેમિકાને મળવું ભારે પડ્યું 
પોલીસે ટેક્નિકલ સર્વેલન્સ અને બાતમી મળી હતી. બાતમીના આધારે સૂકા કુંડાને પકડી પાડવામાં આવ્યો છે.   આરોપી સૂકા ડુંડ તેની પ્રેમિકાને મળી ગામની બહાર જઈ રહ્યો હતો તે દરમિયાન પોલીસે દબોચી લીધો છે. હત્યા જેવા અન્ય ગંભીર ગુનાનો આરોપી સૂકો ડુંડ ઝડપતા પોલીસે રાહતનો શ્વાસ લીધો. આરોપીને ભિલોડા પોલીસ કસ્ટડીમાં ધકેલ્યો.,

પીએસઆઈ સસ્પેન્ડ
પેરોલ પરથી સુકો ડુંડ ભાગી જવાના કેસમાં 1 PSI અને 3 પોલીસ કોન્સ્ટેબલને સસ્પેન્ડ કરવામાં આવેલ છે. પોલીસે આરોપીને પકડવા માટે જિલ્લાની LCB, SOG, પેરોલ ફર્લોની ટીમ તેમજ જિલ્લાની 25 પોલીસની અલગ અલગ 3 ટીમો બનાવી હતી.