અમદાવાદમાં નબીરાઓએ સિંધુ ભવન રોડ લીધો બાનમાં, જોખમી રીતે ફોડ્યા ફટાકડા

દિવાળી પર્વની ઉજવણીને લઈ લોકોમાં અનેરો ઉત્સાહ જોવા મળ્યો હતો. આ દરમિયાન દિવાળીના પર્વની ઉજવણીના ફોટો અને વિડીયો સોશિયલ મીડિયામાં શેર કરતાં હોય છે. આ દરમિયાન અમદાવાદના સિંધુ ભવન રોડ પરનો એક વિડીયો સોશિયલ મીડિયામાં વાયરલ થયો છે. જ્યાં હંમેશા લોકોથી ધમધમતા સિંધુભવન રોડ પર દિવાળીની રાત્રે નબીરા સ્કોર્પિયો ગાડી પર ચાલુ ગાડીએ ફટાકડા ફોડતા નજરે પડયા. વીડિયોમાં બે નબીરા ગાડીના બોનેટ પર બેઠા છે. જ્યારે ત્રણ દરવાજા પર લટકેલા છે. અને ગાડી પર ફટાકડાનું બોક્સ રાખ્યું છે. જેમાંથી ચાલુ ગાડીએ રોડ પર ફટાકડા ફોડ્યા હતા. આ દરમિયાન પોલીસની કામગીરી પર સવાલ ઉઠયા છે.

એક તરફ દિવાળીના તહેવાની ઉજવણી ચાલી રહી છે ત્યારે બીજી તરફ નબીરાઓ અને ભૂલેલા કેટલાક શખ્સોએ કારના બોનેટ પરથી ફટાકડા ફોડ્યા, રસ્તા પર મનફાવે તેમ તારમંડળો સળગાવ્યા. જેને લઈને રાહદારીઓને ભારે હળકીનો સામનો કરવો પડ્યો હતો. ત્યારે બીજી તરફ નબીરાઓ પર પોલીસ શું કાર્યવાહી કરે છે ટે જોવાનું રહ્યું.

અમદાવાદમાં અસામાજિક તત્વોનો આતંક, સિંધુભવન રોડ પર જોખમી રીતે ફોડાયા ફટાકડા, ભાન ભૂલેલા કેટલાક શખ્સોએ કારના બોનેટ પરથી ફટાકડા ફોડ્યા, રસ્તા પર મનફાવે તેમ તારમંડળો સળગાવ્યા, રાહદારીઓ જોખમમાં મૂકાતા પોલીસની કાર્યવાહી સામે મોટો સવાલ#Ahmedabad #Diwali2022 #GujaratPolice pic.twitter.com/Tx7rXlUVqa

— Gujarat Tak (@GujaratTak) October 25, 2022