ભૂકંપ બાદ કાટમાળ વચ્ચેથી કિલકારી ગુંજી, પ્રસવની પીડામાં જ માતાનું મોત, કલાકો બાદ બાળકી જીવતી બહાર નીકળી

પ્રસવની પીડામાં મહિલા કાટમાળમાં દટાઈ
તુર્કી અને સીરિયામાં ભૂકંપથી ભારે તબાહી મચી છે. ભૂકંપમાં ઘણી બિલ્ડીંગો ધરાશાયી થઈ ગઈ છે. ત્યારે સીરિયામાં એક પ્રેગ્નેટ મહિલા બિલ્ડીંગના કાટમાળમાં દટાઈ ગઈ હતી. ભૂકંપ વખતે જ મહિલાને પ્રસવની પીડા ઉપડી હતી. જોકે તે હોસ્પિટલ પહોંચી શકે તે પહેલા જ બિલ્ડીંગ ધરાશાયી થઈ ગઈ અને કાટમાળમાં તે દબાઈ ગઈ. જોકે મૃત્યુ પહેલા તેણે બાળકીને જન્મ આપ્યો હતો અને બાદમાં તેનું મોત થઈ ગયું.

Newborn baby found under the rubble in Aleppo, #Syria.

The building collapsed after 7.8 magnitude #earthquake jolted #Turkiye & Syria.

The mother of the baby was under the rubble. She died after he was born.#Turkey #TurkeyEarthquake pic.twitter.com/pkkjXNuqkc

— Ali Javed (@AliJaved29) February 6, 2023

બાળકીને જન્મ આપી માતાનું મોત
ટ્વીટર પર વાઈરલ વીડિયોમાં જોઈ શકાય છે કે, વીડિયો સીરિયાના અલેપ્પોનો હોવાનું કહેવાય છે. રેસ્ક્યુ ટીમ બિલ્ડીંગના કાટમાળમાંથી જીવતા લોકોને બચાવી રહી છે. દરમિયાન તેમને નવજાત બાળકીના રડવાનો અવાજ આવે છે. જે બાદ તેને બહાર કાઢવામાં આવે છે. બચાવકર્મીઓ બાળકીને સુરક્ષીત બહાર કાઢીને લઈ જાય છે, જ્યારે તેની માતાનું મોત થઈ ગયું હતું. જોકે સારી વાત એ છે કે બાળકીની સ્થિતિ સારી છે.