મોરબી: પરિજનોની ચીચીયારીઓથી ગુંજી ઉઠી હોસ્પિટલ, મૃતદેહોમાં સ્વજનને શોધી રહ્યા છે લોકો

ઈજાગ્રસ્તો માટે વોર્ડ પણ ખૂટી પડ્યા
મોરબીની સિવિલ હોસ્પિટલમાં એક એમ્બ્યૂલન્સ જતા જ બીજી આવી જાય છે. ઈજાગ્રસ્તો તથા તેમના પરિવારજનોથી આખી સિવિલ હોસ્પિટલ ઊભરાઈ ગઈ હોય તેવી સ્થિતિ સર્જાઈ છે. સ્વજનના મોતથી હોસ્પિટલ પરિજનોની ચીચીયારીઓથી ગુંજી ઉઠી છે. જ્યાં જુઓ ત્યાં મોટી સંખ્યામાં લાઈનો જોવા મળી રહી છે. હોસ્પિટલના તબીબો પણ દર્દીઓની સારવારમાં જોડાઈ ગયા છે.

અમદાવાદથી ફાયર વિભાગની 3 ટીમો રવાના થઈ
પરિસ્થિતિની ગંભીરતાને જોતા રાજકોટની સિવિલ હોસ્પિટલથી તાત્કાલિક મેડિકલ સ્ટાફ મોરબી જવા રવાના થઈ ગયો છે. રાજકોટ સિવિલમાંથી 5 ડોક્ટર સહિત 25 નર્સિંગનો સ્ટાફ મોરબી જવા રવાના થયો છે. બીજી તરફ અમદાવાદથી પણ ફાયર વિભાગની 3 જેટલી ટીમો મોરબી જવા માટે રવાના થઈ ગઈ છે.