સાધુ સંતોએ મતદાન જાગૃતિની અનોખી પહેલ કરી, સાયકલ પર ચલાવ્યું અભિયાન

25 સાધુ સંતોની અનોખી પહેલ
ભવનાથ ક્ષેત્રના સાધુ સંતો એ લોકશાહીની ધરોહર જળવાઈ રહે એના માટે અનોખો પ્રયાસ હાથ ધર્યો છે. આશરે 25 જેટલા સાધુ સંતો એ સાઇકલ પર સવાર થઈ ભવનાથ ક્ષેત્રમાં મતદાન જાગૃતિ માટે પ્રવાસીઓ અને લોકોને મળી મતદાન અવશ્ય કરે, લોકશાહીને જાળવી રાખવા મતદાન જરૂરી છે એવો સંદેશો આપ્યો હતો.

82% મતદાનનો લક્ષ્યાંક પાર પાડવા સજ્જ..
જુનાગઢ જિલ્લા પ્રશાસન દ્વારા જૂનાગઢમાં મતદાનનો લક્ષ્યાંક નક્કી કરવામાં આવ્યો છે. ગત ચૂંટણીમાં જુનાગઢમાં માત્ર 63% મતદાન થયું હતું. જે આ વખતે 82% થાય તે માટે પ્રયાસો અને ઝુંબેશ શરૂ કરવામાં આવી છે. તંત્રના આ પ્રયાસમાં ભવનાથ ક્ષેત્રના સાધુ સંતો પણ સહભાગી બની લોકોને ચૂંટણીમાં મતદાન કરવા જાગૃતતા ફેલાવવાનું કામ કરી રહ્યા છે.

જિલ્લા કલેકટર રચિત રાજે કહ્યું કે ભવનાથ ક્ષેત્રમાં સાધુ સંતોનો આ પ્રયાસ અત્યંત પ્રશંસનીય છે. લોકશાહીના આ પર્વમાં સહભાગી થવા દરેક વ્યકિતએ આગળ આવવું જોઈએ.