મનસુખ વસાવાએ સરકારને કયા મુદ્દે નવી યોજના બનાવવા અપિલ કરી? શિક્ષણનો મુદ્દો ગરમાયો!

સરકાર નવી યોજના બનાવે- મનસુખ વસાવા
સાંસદ મનસુખ વસાવાએ લોકસભામાં શિક્ષણ સુધારણાનો મુદ્દો ઉઠાવ્યો હતો. તેમણે પછાત વિસ્તારમાં ઘણા આદિવાસી યુવાનો પોતાની આર્થિક પરિસ્થિતિના કારણે યોગ્ય શિક્ષણ ન મેળવી શકતા હોવાનો મુદ્દો ઉઠાવ્યો હતો. તેમણે આની સાથે સરકારને તાત્કાલિક ધોરણે નવી યોજના બનાવવા માટે પણ અપિલ કરી હતી.

વસાવા અગાઉ પણ શિક્ષણનો મુદ્દો ઉઠાવી ચૂક્યા છે..
મનસુખ વસાવાએ અગાઉ પણ મુદ્દો ઉઠાવ્યો હતો. શિક્ષણ મુદ્દે તેમણે અવાર નવાર પોતાના નિવેદનો આપ્યા છે. અગાઉ મીડિયા રિપોર્ટ્સ પ્રમાણે સાંસદ મનસુખ વસાવાએ જણાવ્યું હતું કે નર્મદા સહિત ગુજરાતમાં શિક્ષણનું ધોરણ નીચે ગયું છે. ગુજરાતમાંથી માત્ર ગણતરીના જ યુવક-યુવતીઓ IAS અને IPSમાં પસંદગી પામે છે. ગુજરાતની બેંકોમાં મેનેજરના હોદ્દા પર એક ટકા કરતા પણ ઓછા ગુજરાતીઓ છે.

વસાવાએ આદિવાસી વિસ્તારોમાં શિક્ષણની સ્થિતિનું વર્ણન કરતાં-કરતાં રાજ્યના શૈક્ષણિક સ્તર પર જ સવાલ ઉઠાવ્યો હતો. અગાઉ અનેક વખત રાજ્યમાં ગેરકાયદેસર દારૂના વેચાણનો મુદ્દો ઉઠાવીને તેમણે દારૂબંધીની નીતિ પર પણ સવાલ ઉઠાવ્યા છે.

With Input: નરેન્દ્ર પેપરવાલા