'હવે મારે તેની સાથે કોઈ લેવા દેવા નથી', CM બેનર્જીએ સગાભાઈ સાથે તોડ્યા સંબંધો

'હું તેની સાથે તોડું છું સંબંધો'

મમતા બેનર્જીએ બાબુન બેનર્જી પર પ્રહાર કરતા કહ્યું કે, 'હવે તે મારો ભાઈ નથી. આજથી હું તેની સાથેના તમામ સંબંધો તોડી નાખું છું. તે ભૂલી ગયો છે કે પિતાના નિધન બાદ તેનો ઉછેર કેવી રીતે થયો હતો. જ્યારે તે અઢી વર્ષનો હતો. હું 35 રૂપિયા કમાતી હતી અને તેનું પાલન પોષણ કરતી હતી.'

#Breaking: #TMC supremo #MamataBanerjee snaps all ties with her brother Babun Banerjee after he expressed his wish to contest from Howrah.

She says, “He is no longer my brother, today onwards, I snap all ties with him. My family & I have distanced ourselves from him. He has… pic.twitter.com/uF25ypFRAP

— Pooja Mehta (@pooja_news) March 13, 2024

ભાજપે મમતા બેનર્જી પર સાધ્યું નિશાન

ભાજપના IT સેલ પ્રમુખ અમિત માલવિયાએ મમતા બેનર્જી પર નિશાન સાધતા કહ્યું કે હવે તેમની સરકાર કે પાર્ટી પર તેમનું કોઈ નિયંત્રણ નથી રહ્યું. હવે તેમના ભાઈએ ટીએમસી સામે બળવો કર્યો છે. તેમણે ટીએમસી ઉમેદવાર પ્રસૂન બેનર્જીના નામ પર અસહમતિ વ્યક્ત કરી હતી. મમતા બેનર્જીએ અભિષેક બેનર્જીને બીજા કરતા પ્રાધાન્ય આપ્યું તેનું આ પરિણામ છે.

TMCએ 7 સાંસદોની ટિકિટ કાપી

તમને જણાવી દઈએ કે ટીએમસીએ લોકસભા ચૂંટણી માટે ઉમેદવારોની યાદી જાહેર કરી હતી, જેમાં 16 વર્તમાન સાંસદો પર ફરીથી વિશ્વાસ કરવામાં આવ્યો છે, જ્યારે નુસરત જહાં અને મીમી ચક્રવર્તી સહિત સાત સાંસદોની ટિકિટ કાપવામાં આવી છે. ગત વખતે ટીએમસીએ બંગાળમાં 42માંથી 23 બેઠકો જીતી હતી. પૂર્વ ક્રિકેટર યુસુફ પઠાણને લોકસભામાં વિપક્ષના નેતા અને કોંગ્રેસના સાંસદ અધીર રંજન ચૌધરી સામે બરહામપુર બેઠક પરથી મેદાનમાં ઉતારવામાં આવ્યા છે.