મલ્લિકાર્જુન ખડગે કોંગ્રેસના નવા અધ્યક્ષ બન્યા, જાણો તેમની રાજકીય સફર વિશે વિગતવાર…

કોંગ્રેસ કમિટિના અધ્યક્ષ બનવા સુધીની સફર…
તેમની લોકપ્રિયતા જોઈને પાર્ટીએ મલ્લિકાર્જૂન ખડગેને ગુલબર્ગ કોંગ્રેસ કમિટીના અધ્યક્ષ બનાવ્યા હતા. 1972માં તેઓ પ્રથમ વખત કર્ણાટકની ગુરમિતકલ વિધાનસભા બેઠક પરથી ધારાસભ્ય બન્યા હતા. ખડગે ગુરમિતકલ સીટ પરથી નવ વખત ધારાસભ્ય તરીકે ચૂંટાયા હતા. આ દરમિયાન તેમણે વિવિધ વિભાગોમાં મંત્રી પદ પણ સંભાળ્યું હતું. 2005માં તેમને કર્ણાટક પ્રદેશ કોંગ્રેસ સમિતિના અધ્યક્ષ બનાવવામાં આવ્યા હતા. તેઓ 2008 સુધી આ પદ પર રહ્યા. 2009માં પ્રથમ વખત સાંસદ તરીકે ચૂંટાઈ આવ્યા હતા.

ખડગેને વિપક્ષના નેતા બનાવાયા…
ખડગેને ગાંધી પરિવારના વિશ્વાસુ માનવામાં આવે છે. આ માટે તેને સમયાંતરે ઈનામ પણ મળતું હતું. 2014માં ખડગેને લોકસભામાં પાર્ટીના નેતા બનાવવામાં આવ્યા હતા. લોકસભા ચૂંટણી 2019માં હાર બાદ કોંગ્રેસે તેમને 2020માં રાજ્યસભામાં મોકલ્યા હતા. ગયા વર્ષે જ્યારે ગુલામ નબી આઝાદનો કાર્યકાળ પૂરો થયો ત્યારે ખડગેને રાજ્યસભામાં વિપક્ષના નેતા બનાવવામાં આવ્યા હતા.