India-Maldives : ‘ભારત અમારો 911 કોલ…’, જાણો માલદીવના પૂર્વ રક્ષા મંત્રીએ શા માટે આવું કહ્યું?

Maldives India Controversy : માલદીવના પૂર્વ સંરક્ષણમંત્રી મારિયા અહેમદ દીદીએ વડાપ્રધાન નરેન્દ્ર મોદી વિરુદ્ધ માલદીવના નેતાઓની અપમાનજનક ટિપ્પણીઓની આકરી ટીકા કરી છે. આજે તેમણે કહ્યું કે, પીએમ મોદી વિરુદ્ધ અપમાનજનક ટિપ્પણીઓ માલદીવ સરકારની ‘અદૂરદર્શીતા’ દર્શાવે છે. મારિયાએ કહ્યું કે, ભારત માલદીવ માટે ‘911 કોલ’ છે જેને માલદીવ કોઈ પણ મુશ્કેલીમાં ડાયલ કરે છે. પૂર્વ મંત્રીએ કહ્યું કે ભારત એક ભરોસાપાત્ર સાથી છે જેણે માલદીવને સંરક્ષણ સહિત અનેક ક્ષેત્રોમાં મદદ કરી છે. તેમણે લાંબા સમયથી ચાલતા સંબંધોને નબળા બનાવવાના પ્રયાસની નિંદા કરી હતી.