વડોદરામાં ભગવાન શિવની 111 ફૂટની સુવર્ણ જડિત પ્રતિમા ખુલ્લી મૂકાઈ, 17.5 કિલો સોનાનો થયો છે ઉપયોગ

2020માં પ્રતિમાને સુવર્ણ મઢીત કરવાનું કામ શરૂ થયું
વડોદરાના સુરસાગર તળાવની મધ્યમાં સર્વેશ્વર મહાદેવની પ્રતિમાને 2020માં સુવર્ણથી જડિત કરવાનું કાર્ય શરૂ કરાયું હતું. અયોધ્યામાં PM મોદીએ રામ મંદિરના નિર્માણનો આરંભ કરાવ્યો એ જ દિવસે વડોદરામાં પણ આ ભગીરથ કાર્યનો પ્રારંભ થયો હતો. ત્યારે રૂ.12 કરોડના ખર્ચે 17.5 કિલો સોનું આ માટે વપરાયું છે. ત્યારે પ્રતિમા પરથી સફેદ પડદો આજે હટાવી લેવામાં આવતા ભક્તો શિવજીનું સુવર્ણ સ્વરૂપ જોતા રહી ગયા હતા. આ કાર્ય માટે વર્ષ 2017માં સંકલ્પ લેવામાં આવ્યો હતો.

સુવર્ણ જડિત ભગવાન શ્રી સર્વેશ્વર મહાદેવના કરો દર્શન#Vadodara ના #SurSagarLake સ્થિત ભગવાન શિવ સર્વેશ્વર મહાદેવની 111 ફૂટની સુવર્ણ જડિત પ્રતિમા દર્શન માટે ખુલ્લી મુકાઈ, મહાશિવરાત્રિએ CM @Bhupendrapbjp લોકાર્પણ કરશે#SarveshwarMahadev #GTVideo pic.twitter.com/taKFZWlRSh

— Gujarat Tak (@GujaratTak) February 16, 2023

મહાશિવરાત્રિએ મહાદેવની સવારી નીકળશે
મહાશિવરાત્રિએ વડોદરામાં મહાદેવની ‘શિવજી કી સવારી’ની પણ તૈયારીઓ શરૂ કરી દેવામાં આવી છે. ત્યારે આજે શિવજીની સુવર્ણ જડિત મૂર્તિ ખુલ્લી મુકાતા મોટી સંખ્યામાં તળાવના કિનારો લોકો જોવા માટે પહોંચી ગયા હતા.

(વિથ ઈનપુટ: દિગ્વિજય પાઠક)