જુનિયર ક્લાર્કની પરીક્ષા એપ્રિલમાં આ તારીખે યોજાશે! વાઈરલ તારીખ પર હસમુખ પટેલે શું ખુલાસો કર્યો?

હસમુખ પટેલે વાઈરલ તારીખ પર શું કહ્યું?
હસમુખ પટેલે ગુજરાત Tak સાથેની વાતચીતમાં જણાવ્યું હતું કે, આ તારીખમાં કોઈ તથ્ય નથી અને અમે હજુ સુધી કોઈ તારીખો જાહેર કરી નથી. ખાસ વાત છે કે ફરીથી જુનિયર ક્લાર્કની પરીક્ષા લેવાની સરકારે જાહેરાત કરી તેના થોડા દિવસો બાદ હસમુખ પટેલને આ પરીક્ષાની જવાબદારી સોંપાઈ હતી. જે બાદ તેમણે પ્રેસ કોન્ફરન્સ કરીને આગામી એપ્રિલ મહિનામાં જ પરીક્ષા લેવામાં આવે તે પ્રકારનું આયોજન હોવાની વાત કરી હતી.

પંચાયત સેવા પસંદગી બોર્ડ જુનિયર ક્લાર્કની લેખિત પરીક્ષા 9 એપ્રિલના રોજ લેવા માંગે છે. ત્યારે પૂરતા પરીક્ષા કેન્દ્રો ઉપલબ્ધ છે કે કેમ તેની વિગતો જિલ્લાઓ પાસેથી મંગાવવામાં આવેલ છે. વિગતો ઉપલબ્ધ થયા બાદ તારીખ જાહેર કરવામાં આવશે.

— Hasmukh Patel (@Hasmukhpatelips) February 15, 2023

સોશિયલ મીડિયામાં રોહિત માળી નામના યુવકે ટ્વીટ કર્યું છે. જેમાં ગુજરાત પંચાયત સેવા પસંદગી મંડળની તારીખ આગામી 9 એપ્રિલે યોજાશે તેવી વાત કરવામાં આવી છે. જોકે હસમુખ પટેલે સ્પષ્ટ રીતે આ તારીખો ખોટી હોવાનું જણાવ્યું છે.

#જુનિયર_ક્લાર્કની ની પરીક્ષા 9/4/23 ના રોજ યોજાશે આ પત્ર ફરી રહ્યો છે #GPSSB @hdraval93 @DevendraBhatn10 pic.twitter.com/R3sk5opd5g

— Rohit mali🇮🇳 (@rohitkumarmali) February 15, 2023