જીગ્નેશ કવિરાજે ભાજપમાં જોડાવા અંગે આપ્યું મોટું નિવેદન, જાણો શું કહ્યું

જીગ્નેશ કવિરાજે ભાજપમાં જોડાવા અંગે ખુલાસો કર્યો હતો. તેઓ પોતાના મૂળ વતન એવા મહેસાણાની ખેરાલુ બેઠક પરથી અપક્ષ તરીકે આ વખતે દાવેદારી નોંધાવશે. હાલમાં તેઓ કોઈ પક્ષ સાથે જોડાયેલા નથી . આજે તેમણે સમકરથકો સાથે રેલીનું આયોજન કર્યું હતું.

ગુજરાતમાં સંગીત ક્ષેત્રે ખૂબ મોટું નામ ધરાવે છે જીગ્નેશ કવિરાજ
જીગ્નેશ કવિરાજ જાણીતા લોકગાયક છે અને તેમના દાદા, પિતા, કાકા તથા મોટાભાઈ પણ સંગીત ક્ષેત્ર સાથે જોડાયેલા હતા. તેમને નાનપણથી જ સંગીતમાં ખૂબ રસ હતો અને નાનપણથી જ તેમણે પોતાની કળાથી ખૂબ નામના મેળવી છે. હાલમાં ગુજરાતભરમાં તેઓ સંગીત ક્ષેત્રે ખૂબ મોટું નામ ધરાવે છે. એવામાં તેઓ ચૂંટણી લડવા મેદાનમાં ઉતરશે તો ચોક્કસ પણે ભાજપ, કોંગ્રેસ તથા આમ આદમી પાર્ટીના ઉમેદવારોના મત ચોક્કસપણે તોડશે.