જામનગરમાં પાણીની અછત નહી વર્તાય, ચોમાસામાં જીવાદોરી સમાન ડેમ છલોછલ ભરાયો

જામનગરમાં ધોધમાર વરસાદ ખાબક્યો
જિલ્લામાં સાર્વત્રિક મેઘ મહેરના પગલે સોસાઈ ડેમ છલોછલ ભરાઈ ગયો છે. જેના કારણે સ્થાનિકોને ઘણી સહાય થઈ શકે છે. નોંધનીય છે કે જામનગરના ઘણા વિસ્તારોમાં ગુરુવારે બે કલાકની અંદર ધોધમાર વરસાદ ખાબક્યો હતો. આ દરમિયાન દોઢ ઈંચથી વધુ વરસાદ પડ્યો હતો. જોકે આના કારણે વિવિધ સ્થળે પાણી ભરાઈ ગયું હતું અને રસ્તાઓ પણ પાણી પાણી થઈ ગયા હતા.

હવામાન વિભાગની આગાહી
ગુજરાત રાજ્યમાં આગામી પાંચ દિવસથી ધોધમાર વરસાદ ખાબકી શકે એવી હવામાન વિભાગે આગાહી કરી છે. સૌરાષ્ટ્રમાં અત્યારે હળવાથી મધ્યમ વરસાદ પડી શકે છે. તેવામાં સાસોઈ ડેમ ઓવરફ્લો થવાનો ભય પણ રહેલો છે.

With Input- દર્શન ઠક્કર