જંબુસરના MLA સંજય સોલંકીએ કોંગ્રેસ છોડવા અંગે કર્યો મોટો ખુલાસો

ચૂંટણી નજીક આવી રહી છે તેમ કોંગ્રેસના નેતાઓ કોંગ્રેસનો હાથ છોડી અન્ય પક્ષને સાથ આપે છે. આ દરમિયાન કોંગ્રેસના વધુ ધારાસભ્યો કોંગ્રેસ સાથે છેડો ફાડે  તેવી અટકળો વહેતી થઈ છે. જંબુસરના ધારાસભ્ય સંજય સોલંકીએ પક્ષપલટા અંગે જણાવ્યું હતું કે, છેલ્લા કેટલાક સમયથી ચાલી રહેલા સમાચાર એ તથ્ય અને પાયા વિહોણા છે. કોંગ્રેસ પક્ષ એ મારૂ ગૌત્ર છે અને હું સંપૂર્ણ પણે કોંગ્રેસ પક્ષ સાથે જોડાયેલ છું. આગામી વિધાનસભાની ચૂંટણીમાં ભરૂચ જીલ્લાની તમામ બેઠકો ઉપર કોંગ્રેસ પક્ષનો પંજો જવલંત વિજય મેળવશે તેમજ જંબુસર બેઠકપરથી પણ કોંગ્રેસ જંગી બહુમતિથી જીતશે.

કોંગ્રેસના આ ધારાસભ્યો છોડી શકે કોંગ્રેસનો હાથ
ચૂંટણી નજીક આવી રહી છે તેમ તેમ કોંગ્રેસની ચિંતા વધી રહી છે. નારાજગી અને પક્ષ પલટાનો દોર શરૂ થઈ ચૂક્યો છે. હજુ કોંગ્રેસના કેટલાક પક્ષ છોડી શકે છે. જેમાં જામજોધપુરના ધારાસભ્ય ચિરાગ કાલરીયા, જંબુસરના સંજયભાઈ સોલંકી, પાલનપુરના મહેશ પટેલ, જાલોદના ભાવેશ કટારા અને ધોરાજીના લલિત વસોયાની ચર્ચા ચાલી રહી છે. જોકે લલિત વસોયા અને સંજયભાઈ સોલંકીએ પક્ષ પલટા નથી કરતાં તેવા નિવેદન પણ આપ્યા છે.

વર્ષ 2017 બાદ કોંગ્રેસે ગુમાવ્યા આટલા MLA

• કુંવરજી બાવળિયા- જસદણ વિધાનસભા બેઠક
• જે.વી કાકડિયા- ધારી વિધાનસભા બેઠક
• અલ્પેશ ઠાકોર- રાધનપુર વિધાનસભા બેઠક
• પ્રવિણ મારુ- ગઢડા વિધાનસભા બેઠક
• બ્રિજેશ મેરજા- મોરબી વિધાનસભા બેઠક
• સોમાભાઈ પટેલ- લીંબડી વિધાનસભા બેઠક
• આશાબેન પટેલ- ઊંઝા વિધાનસભા બેઠક
• જવાહર ચાવડા- માણાવદર વિધાનસભા બેઠક
• મંગળ ગાવિત- ડાંગ વિધાનસભા બેઠક
• જીતુ ચૌધરી- કપરડા વિધાનસભા બેઠક
• પરસોત્તમ સાબરિયા- ધ્રાંગધ્રા વિધાનસભા બેઠક
• પદ્યુમનસિંહ જાડેજા- અબડાસા વિધાનસભા બેઠક
• અક્ષય પટેલ- કરજણ વિધાનસભા બેઠક
• અશ્વિન કોટવાલ- ખેડબ્રહ્મા વિધાનસભા બેઠક
• ધવલસિંહ ઝાલા- બાયડ વિધાનસભા બેઠક
• વલ્લભ ઘાવરિયા- જામનગર વિધાનસભા બેઠક
• હર્ષદ રીબડિયા- વિસાવદર વિધાનસભા બેઠક