ગૌરવ યાત્રાને ફ્લેગ ઓફ કરાવવા જેપી નડ્ડા ગુજરાત પ્રવાસે, BJP 144 બેઠકોને આવરી લેવા સજ્જ

જેપી નડ્ડા આ યાત્રાને લીલી ઝંડી બતાવશે
પાર્ટીના સત્તાવાર નિવેદન પર નજર કરીએ તો આ પહેલી યાત્રા છે જે મહેસાણાના બહુચરાજીથી કચ્છ જિલ્લાના માતાનાં મઢ સુધી જશે.
બીજી યાત્રા દ્વારકાથી પોરબંદર સુધી કાઢવામાં આવશે. આ બંને યાત્રાઓને જેપી નડ્ડા ગ્રિન સિગ્નલ આપી શકે છે.

પાર્ટીના નેતાઓએ જણાવ્યા પ્રમાણે ત્રીજી યાત્રા અમદાવાદ જિલ્લાના જંજરકાથી સોમનાથ સુધી જશે, જ્યારે ચોથી યાત્રા નવસારીથી દ.ગુજરાતના વિસ્તારોને આવરી લેશે. જ્યારે પાંચમી યાત્રા ઉનઈથી અંબાજી સુધી કાઢવામાં આવશે.

અમિત શાહ પણ કેટલીક યાત્રાને આપશે ગ્રિન સિગ્નલ
મીડિયા રિપોર્ટ્સ પ્રમાણે કેન્દ્રીય ગૃહમંત્રી અમિત શાહ કેટલીક યાત્રાઓને ગ્રિન સિગ્નલ આપી શકે છે. જ્યારે ભાજપ શાસિત રાજ્યોના મુખ્યમંત્રિઓ પણ આમા સામેલ થાય એવી સંભાવના જોવા મળી રહી છે. બીજી બાજુ જોવા જઈએ તો ભૂપેન્દ્ર યાદવ, પીયૂષ ગોઈલ, મનસુખ માંડવિયા, પુરષોત્તમ રુપાલા સહિતના કેન્દ્રિય મંત્રીઓ આ યાત્રામાં સામેલ થઈ શકે છે.