IPL 2023: CSK અને SRH વચ્ચે આજે ખરાખરીનો જંગ, CSK એ ટોસ જીતી બોલિંગનો કર્યો નિર્ણય

ચેન્નાઈએ ટોસ જીત્યો, પ્રથમ બોલિંગ કરવાનો નિર્ણય કર્યો
ચેન્નાઈના કેપ્ટન એમએસ ધોનીએ ટોસ જીતીને પ્રથમ બોલિંગ કરવાનો નિર્ણય લીધો છે. તેણે પોતાના પ્લેઈંગ-11માં કોઈ ફેરફાર કર્યો નથી. ત્યારે , સનરાઇઝર્સ હૈદરાબાદના કેપ્ટન એડન માર્કરામે પણ પ્લેઇંગ-11માં એક ફેરફાર કર્યો છે. ઉમરાન મલિક ટીમમાં પાછો ફર્યો છે.

જાણો શું કહ્યું ધોનીએ? 
અમે પહેલા બોલિંગ કરીશું. આ પિચ 50-50 છે. પાછળથી ઝાકળ થઈ શકે છે, તેથી પીછો કરવો હંમેશા વધુ સારું છે. બધા પોઈન્ટ ટેબલ પર એકસાથે પેક છે, અમારે સારું કરવાની જરૂર છે. આ સમયે ટેબલ પર ન જોવું જોઈએ.

જાણો શું કહ્યું હૈદરાબાદના કેપ્ટને 
હૈદરાબાદના કેપ્ટન એડન માર્કરામે કહ્યું કે તે પણ પહેલા બોલિંગ કરવા માંગતો હતો. તેણે કહ્યું કે ટીમે સાથે મળીને સારું પ્રદર્શન કરવાની જરૂર છે. વર્તમાન સિઝનમાં તેની ટીમનું શેડ્યૂલ ખૂબ જ વ્યસ્ત છે.  ‘અમે પણ પહેલા બોલિંગ કરત. અમે કેકેઆર સામે પહેલા બેટિંગ કરીને સારી રમત રમી હતી, તેથી આશા છે કે અમે તેમાંથી શીખી શકીએ. મને લાગે છે કે  સાથે મળીને અમારી આખી રમતમાં સુધારો કરવાની જરૂર છે.   વ્યસ્ત શેડ્યૂલ પરંતુ અમે ફરિયાદ નથી કરી રહ્યાં. IPL અમને પ્રવાસ કરવાની અને વિવિધ પ્રશંસકોને મળવાની તક આપે છે.

ચેન્નાઈ સુપર કિંગ્સ ટીમ: ડેવોન કોનવે, ઋતુરાજ ગાયકવાડ, અજિંક્ય રહાણે, શિવમ દુબે, મોઈન અલી, રવિન્દ્ર જાડેજા, મહેન્દ્ર સિંહ ધોની (c/wk), તુષાર દેશપાંડે, મહેશ તિક્ષ્ણ, મતિષા પથિરાના, આકાશ સિંહ.

સનરાઈઝર્સ હૈદરાબાદ ટીમ : હેરી બ્રુક, મયંક અગ્રવાલ, રાહુલ ત્રિપાઠી, એઈડન માર્કરામ (સી), અભિષેક શર્મા, હેનરિક ક્લાસેન (વિકેટમેન), વોશિંગ્ટન સુંદર, માર્કો જાનસેન, ભુવનેશ્વર કુમાર, ઉમરાન મલિક, મયંક માર્કંડે.

ચેન્નાઈ મજબૂત સ્થિતિમાં
સીઝનમાં અત્યાર સુધી સીએસકે તેની 5માંથી ત્રણ મેચ જીતી છે. બીજી તરફ, સનરાઇઝર્સ હૈદરાબાદે તેની પાંચ મેચમાંથી 2માં જીત મેળવી છે. બંને ટીમોએ વધુ એક જીત મેળવવા અને પોઈન્ટ ટેબલમાં પોતાનુ સ્થાન મજબૂત કરવાના ઈરાદા સાથે મેદાને ઉતરી છે. ચેન્નાઈ સુપર કિંગ્સ ટીમ અત્યારે પોઈન્ટ ટેબલમાં ત્રીજા સ્થાને છે જ્યારે હૈદરાબાદ 9માં નંબર પર છે.

ચેપોકમાં હૈદરાબાદ એક પણ મેચ જીતી નથી
હૈદરાબાદની ટીમ અત્યાર સુધી તેના હોમ ગ્રાઉન્ડ પર ચેન્નાઈને હરાવી શકી નથી. તેની નજર ચેપોકમાં પ્રથમ જીત પર છે. ચેપોક ખાતે બંને ટીમો વચ્ચે ત્રણ મેચ રમાઈ છે અને ત્રણેય ચેન્નાઈએ જીતી છે. હૈદરાબાદના બેટ્સમેનોએ પણ યજમાન ટીમના સ્પિનરોના આકરા પડકારનો સામનો કરવો પડશે. ચેન્નાઈ પાસે રવિન્દ્ર જાડેજા, મોઈન અલી, મિશેલ સેન્ટનર જેવા ઉત્તમ સ્પિન બોલરો છે. ચેપોકની પીચ સ્પિનરોથી જાણીતી છે, પરંતુ તેણે પાછલી મેચોમાં બેટ્સમેનોએ રંગ રાખ્યો હતો.

રાજસ્થાનને 15 વર્ષ બાદ ચેન્નાઈને હારનો સ્વાદ ચખાડ્યો 
ચેન્નાઈને ઘરઆંગણે રાજસ્થાન રોયલ્સે હરાવ્યું હતું. રાજસ્થાન 15 વર્ષ બાદ ચેન્નાઈને તેના ઘરઆંગણે હરાવવામાં સફળ રહ્યું હતું. વર્લ્ડ ક્લાસ સ્પિનરો રવિચંદ્રન અશ્વિન, યુઝવેન્દ્ર ચહલ અને એડમ ઝમ્પાએ ટીમની જીતમાં યોગદાન આપ્યું હતું. રાજસ્થાને આ મેચ ત્રણ રનથી જીતી લીધી હતી જે છેલ્લા બોલ સુધી ચાલી હતી.