IPL 2023 MIvsRCB: વાનખેડેમાં સૂર્યના તોફાન સામે તમામ આગીયા સાબિત થયા, મુંબઈ ઈન્ડિયન્સ ટોપ-3માં પહોંચ્યું

મુંબઈની જીતનો હીરો સ્ટાર બેટ્સમેન સૂર્યકુમાર યાદવ રહ્યો, જેણે 35 બોલમાં 83 રનની ઈનિંગ રમી. સૂર્યાએ આ દરમિયાન સાત ચોગ્ગા અને છ છગ્ગા ફટકાર્યા હતા. આ જીત સાથે મુંબઈ ઈન્ડિયન્સ પોઈન્ટ ટેબલમાં ત્રીજા નંબરે આવી ગઈ છે. મુંબઈની 11 મેચમાં આ છઠ્ઠી જીત હતી. બીજી તરફ ફાફ ડુ પ્લેસિસની કપ્તાનીવાળી RCB હવે એક સ્થાન સરકીને સાતમા નંબરે છે. પોઈન્ટ ટેબલમાં ગુજરાત ટાઇટન્સ નંબર વન અને ચેન્નાઈ સુપર કિંગ્સ નંબર બે પર છે. ઈશાન કિશને મોટા લક્ષ્યનો પીછો કરવા માટે મુંબઈ ઈન્ડિયન્સને મજબૂત શરૂઆત અપાવી હતી.

ઈશાન કિશને માત્ર 21 બોલમાં 42 રન બનાવ્યા જેમાં ચાર ચોગ્ગા અને છ છગ્ગાનો સમાવેશ થાય છે. તેની તોફાની ઇનિંગ્સ દરમિયાન ઇશાને રોહિત શર્મા સાથે 51 રનની ભાગીદારી કરી હતી. 5મી ઓવરમાં વાનિન્દુ હસરંગાએ ઈશાનને વિકેટકીપર અનુજ રાવતના હાથે કેચ આઉટ કરાવ્યો હતો. હસરંગાએ પણ આ જ ઓવરમાં રોહિતને LBW કર્યો હતો. જે માત્ર સાત રન બનાવી શક્યો હતો. વાઢેરાએ પણ અડધી સદીની ઇનિંગ રમી હતી. બંને ખેલાડીઓએ છગ્ગા અને ચોગ્ગાનો વરસાદ વરસાવતા વિરોધી ટીમના બોલરોને ટ્રેક પરથી ઉતારી લીધા હતા. સૂર્યા અને વાઢેરા વચ્ચે ત્રીજી વિકેટ માટે 64 બોલમાં 140 રનની ભાગીદારી થઈ હતી. નેહલ વાઢેરાએ પણ 34 બોલમાં અણનમ 52 રન બનાવ્યા, જેમાં ચાર ચોગ્ગા અને ત્રણ છગ્ગાનો સમાવેશ થાય છે.

મુંબઈ ઈન્ડિયન્સની વિકેટ આ રીતે પડી (200/4)
પહેલી વિકેટ – ઈશાન કિશન 42 રન (51/1)
બીજી વિકેટ – રોહિત શર્મા 7 રન 52/2)
ત્રીજી વિકેટ – સૂર્યકુમાર યાદવ 83 રન (192/3)
ચોથી વિકેટ – ટિમ ડેવિડ 0 રન (192/4)

ટોસ હાર્યા બાદ આરસીબીએ પ્રથમ બેટિંગ શરૂ કરી. મેચના પાંચમા બોલ પર જેસન બેહરનડોર્ફે વિરાટ કોહલી (1 રન)ને વિકેટકીપર ઈશાન કિશનના હાથે કેચ આઉટ કરાવ્યો હતો. આ પછી પોતાની આગલી ઓવરમાં આ ઓસ્ટ્રેલિયન બોલરે અનુજ રાવતને પણ વોક કરાવ્યો હતો. 6 રન બનાવીને રાવતે કેમેરોન ગ્રીનને કેચ આપ્યો હતો. મેક્સવેલ-ડુ પ્લેસિસે તોફાની ઇનિંગ રમી હતી. 16 રનમાં બે વિકેટ પડી ગયા બાદ ગ્લેન મેક્સવેલ અને ફાફ ડુ પ્લેસિસે 120 રનની ધમાકેદાર ભાગીદારી કરીને RCBને પાછું લાવ્યું હતું.

મેક્સવેલે 33 બોલમાં 68 રનની ઈનિંગ રમી જેમાં આઠ ચોગ્ગા અને ચાર છગ્ગાનો સમાવેશ થાય છે. જેસન બેહરનડોર્ફે નેહલ વાધેરાના હાથે મેક્સવેલને કેચ આઉટ કરાવી ભાગીદારીનો અંત લાવ્યો હતો. મેક્સવેલના આઉટ થયાના થોડા સમય બાદ મહિપાલ લોમરોર (1) અને ફાફ ડુ પ્લેસિસ પણ પેવેલિયન પરત ફર્યો હતો. ડુ પ્લેસિસે 41 બોલમાં 65 રનની ઇનિંગ રમી હતી. આ દરમિયાન તેણે પાંચ ચોગ્ગા અને ત્રણ છગ્ગા ફટકાર્યા હતા. ડુ પ્લેસિસ પેવેલિયનમાં પરત ફર્યા પછી, આઉટ ઓફ ફોર્મ દિનેશ કાર્તિકે કેટલાક મજબૂત શોટ ફટકારીને આરસીબીને 200 ની નજીક પહોંચવામાં મદદ કરી. કાર્તિકે ચાર ચોગ્ગા અને એક છગ્ગાની મદદથી 30 રન બનાવ્યા હતા. વનિન્દુ હસરંગા અને કેદાર જાધવે 12 રનનું યોગદાન આપ્યું હતું. મુંબઈ તરફથી જેસન બેહરેનડોર્ફે ત્રણ વિકેટ લીધી.

રોયલ ચેલેન્જર્સ બેંગ્લોરની વિકેટ આ રીતે પડી (199/6)
પહેલી વિકેટ – વિરાટ કોહલી 1 રન (2/1)
બીજી વિકેટ – અનુજ રાવત 6 રન (16/2)
ત્રીજી વિકેટ – ગ્લેન મેક્સવેલ 68 રન (136/3)
ચોથી વિકેટ – મહિપાલ લોમરોર 1 રન (143/4)
પાંચમી વિકેટ – ફાફ ડુ પ્લેસિસ 65 રન (146/5)
છઠ્ઠી વિકેટ – દિનેશ કાર્તિક 30 રન (185/6)