IPL 2023 માં હવે નહી રમે આ દિગ્ગજ ગુજરાતી ખેલાડી, અચાનક ટીમના સિલેક્ટરે લીધો નિર્ણય

રાહુલ પણ ઈજાના કારણે બ્રેક પર છે. તેની ગેરહાજરીમાં કૃણાલ પંડ્યા ટીમની કમાન સંભાળી રહ્યો છે.આઈપીએલે ટ્વીટ કરીને સુર્યંશ લખનૌ સુપર જાયન્ટ્સમાં જોડાવાના સમાચાર શેર કર્યા છે. ટૂર્નામેન્ટની સત્તાવાર વેબસાઇટ પર લખવામાં આવ્યું છે કે ઘાયલ જયદેવ ઉનડકટના સ્થાને લખનૌની ટીમમાં સૂર્યાંશ શેડગેનો સમાવેશ કરવામાં આવ્યો છે. ઉનડકટ ખભાની ઈજાને કારણે બહાર થઈ રહ્યો છે. ટ્રેનિંગ દરમિયાન તે ખભાની બાજુથી પડી ગયો. જેના કારણે તેને ઈજા થઈ હતી. તેના સ્થાને સૂર્યાંશને 20 લાખ રૂપિયા આપીને ટીમમાં સામેલ કરવામાં આવ્યો છે.

લખનૌ પોઈન્ટ ટેબલમાં ત્રીજા નંબર પર છે. તેણે આ સિઝનમાં 13 મેચ રમી છે. આ દરમિયાન ટીમે 7 મેચ જીતી હતી. જ્યારે 5 મેચમાં હારનો સામનો કરવો પડ્યો હતો. લખનૌ અને ચેન્નાઈ સુપર કિંગ્સના પોઈન્ટ સમાન છે. પરંતુ ચેન્નાઈનો નેટ રન રેટ ઘણો સારો છે. ચેન્નાઈ અને લખનૌના 15-15 પોઈન્ટ છે. લખનૌની છેલ્લી લીગ મેચ કોલકાતા નાઈટ રાઈડર્સ સાથે છે. આ મેચ 20 મેના રોજ રમાશે. ક્વોલિફાયરમાં પહોંચવા માટે ટીમે તેને કોઈપણ કિંમતે જીતવી પડશે. લખનૌએ છેલ્લી બે મેચમાં સતત જીત નોંધાવી છે. તેણે હૈદરાબાદ અને મુંબઈને હરાવ્યું હતું.