IPL 2023: વિજેતા ટીમ પર કરોડોનો વરસાદ થશે, ખેલાડીઓને પણ મળશે લાખોનું ઈનામ

આ લીગની પ્રથમ બે સીઝનમાં વિજેતા ટીમને 4.8 કરોડ રૂપિયા ઈનામ તરીકે આપવામાં આવ્યા હતા, જ્યારે રનર્સઅપ ટીમને 2.4 કરોડ રૂપિયા મળ્યા હતા. ગત સિઝનમાં વિજેતા ટીમ ગુજરાત ટાઇટન્સને 20 કરોડ રૂપિયા મળ્યા હતા. ત્યારે રાજસ્થાન રોયલ્સને ઈનામ તરીકે 13 કરોડ રૂપિયા આપવામાં આવ્યા હતા.

મીડિયા રિપોર્ટ્સ અનુસાર, IPL 2023માં કુલ 46.5 કરોડ રૂપિયા ઈનામી રકમ તરીકે આપવામાં આવશે. ઓરેન્જ કેપ અને પર્પલ કેપ વિજેતાઓને 15 લાખ રૂપિયા અને ટુર્નામેન્ટના ઉભરતા ખેલાડીને 20 લાખ રૂપિયા મળશે. આ સિઝનના મોસ્ટ વેલ્યુએબલ પ્લેયરને ઈનામ તરીકે 12 લાખ રૂપિયા આપવામાં આવશે.

IPL 2023 ની ફાઇનલ મેચ આજે 29 મે, સોમવારે અમદાવાદના નરેન્દ્ર મોદી સ્ટેડિયમમાં ચેન્નાઇ સુપર કિંગ્સ અને ગુજરાત ટાઇટન્સ વચ્ચે રમાશે. ફાઇનલમાં પહોંચતા પહેલા, CSKએ ક્વોલિફાયર-1 મેચમાં GT ને 15 રનથી હરાવ્યું હતું. ક્વોલિફાયર-2 મેચમાં જીટીએ મુંબઈ ઈન્ડિયન્સને 62 રનથી હરાવ્યું અને ફાઇનલમાં પહોંચવામાં સફળ રહી.ચેન્નાઈ અને ગુજરાત વચ્ચે અત્યાર સુધીમાં ચાર મેચ રમાઈ છે જેમાં ચેન્નાઈએ એકમાં જીત મેળવી છે અને બાકીની ત્રણ મેચ ગુજરાતે જીતી છે.

IPL 2023 પ્રાઈઝ મની

• વિજેતા ટીમ – 20 કરોડ રૂપિયા
• રનર-અપ – 13 કરોડ રૂપિયા
• ટીમ નંબર ત્રણ (મુંબઈ ઈન્ડિયન્સ) – રૂ. 7 કરોડ
• ચોથી ટીમ (લખનૌ સુપર જાયન્ટ્સ) – રૂ. 6.5 કરોડ
• ઈમર્જિંગ પ્લેયર ઓફ ધ ટૂર્નામેન્ટ – 20 લાખ રૂપિયા
• સુપર સ્ટ્રાઈકર ઓફ ધ સીઝન – 15 લાખ રૂપિયા
• ઓરેન્જ કેપ – રૂ. 15 લાખ (સૌથી વધુ રન)
• પર્પલ કેપ – રૂ. 15 લાખ (સૌથી વધુ વિકેટ)
• મોસ્ટ વેલ્યુએબલ પ્લેયર ઓફ ધ સીઝન – 12 લાખ રૂપિયા
• સૌથી વધુ છ વખતનો રેકોર્ડ – 12 લાખ રૂપિયા
• ગેમ ચેન્જર ઓફ ધ સીઝન – 12 લાખ રૂપિયા