નડિયાદમાં સામુહિક આત્મહત્યના નામે પતિએ કરી પત્ની અને બાળકની હત્યા ?

આ ઘટનામાં આશાબેનના પિતા ઉદાભાઈ બારૈયાએ કઠલાલ પોલીસ મથકે નોંધાવેલ ફરિયાદ અનુસાર તેમની દીકરી અને જમાઈ સારી રીતે રહેતા હતા. પરંતુ ગત 29 ડિસેમ્બર 2022ના રોજ સાંજના ચાર વાગ્યાની આસપાસ તેમના  મોબાઈલ ફોન ઉપર અમદાવાદથી દીકરી મનીષાબેનનો ફોન આવ્યો અને તેણે ફોનમાં જણાવ્યું કે, તેમની પર આશાબેનનો ફોન આવ્યો અને તેઓ જમાઈ મહેન્દ્રસિંહ તથા તેના બે ભાણીયા કૃણાલ અને મયંકની સાથે લાડવેલ ખાતે આવેલ નર્મદાની મુખ્ય કેનાલ ઉપર છે. અને રડતા રડતા તે કહેવા લાગ્યા કે, અમે બંને ઘર કંકાસથી કંટાળી ગયા છે. અને છુટકારો મેળવવા અમારા બંને છોકરાઓને મારી નાખી, અમો પણ બંને કેનાલમાં પડી મરી જવાના છીએ. જેને લઈને પરીવારના તમામ લોકો ઘટના સ્થળ પર પહોંચ્યા હતા. ઘટના સ્થળ પર એકત્રિત લોકોએ જણાવ્યું હતું કે, નહેરની કિનારીથી થોડી દુર એક માણસ ડુબતો હતો જેથી અમે બધાએ ભેગા થઈને દોરડું નાખીને તેને બચાવ્યો અને તે માણસ નહેરની બાજુમાં મુકેલ મોટરસાયકલ લઈને જતો રહ્યો અને ત્યાં ભેગા થયેલા લોકોમાંથી કોઈએ વિડીયો ફોનમાં ઉતાર્યો હતો તે વિડિયો તેમને બતાવતા તે બહાર નીકળેલ માણસ તેમના જમાઈ મહેન્દ્રસિંહ હોવાનું ખાતરી થઈ હતી. જેને લઈને આશાબેનના પિતા ઉદાભાઇ બારૈયાએ મહેન્દ્રસિંહ ઝાલા તથા પોતાની દીકરી આશાબેન ઝાલાને પોતાના બંને નિર્દોષ ભાણીયાઓને મારી નાખવા બાબતે હત્યાનો ગુનો નોંધાવ્યો છે.