ફ્લાઈટમાં બોમ્બની તપાસ યથાવત, આપત્તિજનક વસ્તુ ન મળી; સવારે 10 વાગ્યે ઉડાન ભરે એવી સંભાવના..

એરપોર્ટ ઓથોરિટી પ્રમાણે…
અત્યારે એન.એસ.જીની ટીમ દ્વારા એરપોર્ટ પર યાત્રિઓના સામાનની તપાસ વેગવંતી કરાઈ શકે છે. જોકે હજુ સુધી કોઈ આપત્તિજનક વસ્તુઓ મળી નથી. આમ જ સ્થિતિ સામાન્ય રહી તો ઓથોરિટી પ્રમાણે આ ફ્લાઈટ જામનગરથી સંભવતઃ સવારે 10 વાગ્યે ઉડાન ભરી શકે છે. જોકે હજુ સુધી અહીં સઘન તપાસ આદરી દેવાઈ છે.

With Input: દર્શન ઠક્કર

જામનગરઃ સતત 6 કલાકથી ફ્લાઈટમાં બોમ્બની તપાસ શરૂ, યાત્રિઓના સામાનનું ચેકિંગ યથાવત

ઈન્ટરનેશનલ ફ્લાઈટમાં બોમ્બ હોવાના સમાચાર મળતા જ ચકચાર મચી ગઈ હતી. જામનગર એરપોર્ટ પર બોમ્બની શોધખોળ તપાસ ચાલુ જ છે. તેને નિષ્ક્રિય કરવા માટે અત્યારે ટીમ તૈનાત કરી દેવામાં આવી છે. પ્રાપ્ત થતી માહિતી પ્રમાણે છેલ્લા 6 કલાકથી સતત એન.એસ.જીનું ઓપરેશન ચાલુ હતું. મોસ્કોથી ગોવા જઈ રહેલી ફ્લાઈટનું ઈમરજન્સી લેન્ડિંગ કરવું પડ્યું હતું, કારણ કે એમાંથી બોમ્બ હોવાની માહિતી મળી હતી.

શેરીમાં રમતી બાળકી પર કૂતરાએ હૂમલો કર્યો, બચાવવા આવેલી મહિલાને પણ ભર્યું બચકું

અત્યારે રાજ્યમાં રખડતા ઢોરની સાથે કૂતરાઓની મુશ્કેલીઓ પણ વધી રહી છે. ગલીના કૂતરાઓ અવાર નવાર નાના બાળકો કે પછી ઉંમરલાયક કોઈપણ વ્યક્તિ પર હુમલો કરી દેતા હોય છે. આવો જ એક કિસ્સો આજે સુરતની હંસપૂરા સોસાયટીમાં બન્યો છે. એક શેરીના કૂતરાએ નાની બાળકી પર હુમલો કરી દેતા ચકચાર મચી ગઈ છે. અત્યારે બાળકીના ગાલ પર એવું બચકુ કૂતરાએ ભર્યું છે કે તેને હોસ્પિટલમાં દાખલ કરવાની ફરજ પડી ગઈ છે.