કોંગ્રેસ હોત તો અયોધ્યામાં રામ મંદિર ન બની શક્યું હોત, દ્વારકામાં યોગી આદિત્યનાથનો હુંકાર..

ગુજરાતી ભાષામાં યોગી આદિત્યનાથે કહ્યું…
શ્રી કૃષ્ણ ક્યાંક રણછોડ છે તો ક્યાંક માખણ ચોર છે. પરંતુ અહીંયા તો તેઓ દ્રારકાધીશ છે. બોલો જય જય દ્વારકાધીશ…

યોગી આદિત્યનાથે વધુમાં કહ્યું કે અમારા મથુરા વૃદાંવનના કૃષ્ણને ગુજરાતે દ્વારકાધીશ બનાવ્યા છે. આઝાદી પછી ભારતે બ્રિટનને પછાડીને દુનિયાની પાંચમી મોટી અર્થ વ્યવસ્થા બનવાની સિદ્ધિ પ્રાપ્ત કરી લીધી છે. ભારત અત્યારે વિકાસની નવી ઉંચાઈઓના શિખરો પાર પાડી રહ્યા છે. દેશમાંથી આતંકવાદ, નક્સલવાદ સમાપ્તિની દિશામાં છે. આની સાથે દ્વારકામાં યોગી આદિત્યનાથે અયોધ્યામાં રામ મંદિર નિર્માણ વિશે પણ જણાવ્યું હતું.

કોંગ્રેસ પર આકરા પ્રહાર કર્યા…
યોગી આદિત્યનાથે કહ્યું કે કોરોના સમયે કોંગ્રેસ હોત તો વેક્સિન, રાશન કઈ જ ન મળ્યું હોત. કોંગ્રેસ કશુ કરી શકે એમ નથી. ભારતને વૈશ્વિક સ્તરે પણ અલગ છાપ રાખવા માટે પણ ભાજપ અગ્રેસર રહ્યું છે, કોંગ્રેસ કઈ જ કરી શકે એમ નથી. વળી તેમણે કહ્યું કે કોંગ્રેસ હોત તો અયોધ્યા રામ મંદિર પણ ન બની શક્યું હોત.

જાતિગત સમીકરણોઃ

• દ્વારકા બેઠક પર હિન્દુઓની સંખ્યા 84.65% છે જ્યારે મુસ્લિમોની સંખ્યા 15% સુધી છે.
• આ બેઠક પર જોવા જઈએ તો મુખ્યત્વે સવર્ણોનો દબદબો રહ્યો છે.
• દ્વારકા બેઠક પર અનુસુચિત જાતિ 6.78% અને અનુસુચિત જનજાતિ 1.2% છે.