જમ્મુ-કાશ્મીરમાં આતંકીઓ સામેના વિરોધ પ્રદર્શનમાં થયો IED બ્લાસ્ટ, 1 બાળકનું મોત, 5 લોકો ઈજાગ્રસ્ત

રવિવારે સાંજે આતંકીઓએ ઘરમાં ઘુસી પરિવાર પર હુમલો કર્યો
જમ્મુ-કાશ્મીરના રાજૌરી અને શ્રીનગરના જદીબલ વિસ્તારમાં રવિવારે સાંજે આતંકીઓએ હુમલો કર્યો હતો. આતંકીવાદીઓએ રાજૌરીમાં હિન્દુ પરિવારો પર ફાયરિંગ કર્યું હતું, જેમાં 4 લોકોના મોત થઈ ગયા અને 7 લોકો ઈજાગ્રસ્ત થયા હતા.

આધાર કાર્ડ માગી ઓળખ કરી પરિવાર પર હુમલો
જાણકારી મુજબ, આતંકીઓએ રાજૌરીના ધાંગરીમાં પહેલા પરિવાર પાસેથી આધાર કાર્ડ માગ્યું હતું. પછી તેમની ઓળખ કરીને ગોળીબાર કર્યો. જેમાં એક મહિલા અને એક બાળક સહિત હિન્દુ પરિવારના 7 લોકો ઈજાગ્રસ્ત થઈ ગયા અને 4 લોકોના મોત થઈ ગયા. હાલમાં ઈજાગ્રસ્તોની સારવાર ચાલી રહી છે.

CRPFના બંકર પર પણ ગ્રેનેડ ફેંકાયો હતો
શ્રીનગરમાં રવિવારે આતંકવાદીઓએ સીઆરપીએફના બંકર પર ગ્રેનેડ ફેંક્યો હતો. જે રસ્તા પર ફૂટતા એક નાગરિક ઘાયલ થયો હતો. આતંકવાદીઓએ સાંજે 7:45 વાગ્યાની આસપાસ મિર્ઝા કામિલ ચોક પાસે સીઆરપીએફના બંકર તરફ ગ્રેનેડ ફેંક્યો હતો. જે રસ્તા પર વિસ્ફોટ થયો હતો.