હિટમેનનો યુવા ફેન પહોંચ્યો મેદાનમાં, ચાલુ બેટિંગે ભેટી પડ્યો; ગાર્ડ આવતા થઈ જોવાજેવી

રોહિતનો ફેન મેદાનમાં ઘુસ્યો
રોહિત જ્યારે બેટિંગ કરી રહ્યો હતો ત્યારે એક નાની ઉંમરનો ફેન મેદાનમાં ઘુસી ગયો હતો. તેણે તરત જ રોહિત શર્માને ગળે લગાવ્યો. વાસ્તવમાં 10મી ઓવરમાં રોહિત શર્માએ શાનદાર સિક્સર ફટકારી હતી. બોલ દર્શકોની ગેલેરીમાં પડ્યો હતો. સિક્સર ફટકાર્યા પછી તરત જ આ નાનો ચાહક મેદાનમાં ઘૂસી ગયો હતો. તે ઝડપથી ભારતીય કેપ્ટન પાસે ગયો અને તેને ગળે લગાવ્યો હતો. જ્યારે સુરક્ષાકર્મીઓ તેને ખેંચવા લાગ્યા ત્યારે હિટમેને તેમને રોક્યા હતા.

આ પણ વાંચો… રાતના સમયે ગામના મકાનમાં આગ લાગી, સ્થાનિકની ઘરવખરી બળીને ખાખ થતા ચકચાર

રોહિતે સિક્યોરિટી ગાર્ડને કહ્યું..
પોતાની ઉદારતા બતાવતા સિક્યુરિટી ગાર્ડને નાના ચાહક પ્રત્યે શાંત વલણ અપનાવવા રોહિતે કહ્યું હતું. રોહિતનો આ વીડિયો સોશિયલ મીડિયા પર વાયરલ થયો છે. ચાહકો તેની જોરદાર પ્રશંસા કરી રહ્યા છે. રોહિતે 51 બોલમાં 50 રન ફટકારીને ટીમ ઈન્ડિયાને જીતની નજીક પહોંચાડી દીધી હતી.

શમીએ ત્રણ વિકેટ લીધી
મેચની વાત કરીએ તો ભારતીય ટીમના કેપ્ટન રોહિત શર્માએ ટોસ જીતીને પહેલા બોલિંગ કરવાનો નિર્ણય કર્યો હતો. ભારતીય બોલરોએ રાયપુરની નવી પિચ પર તોફાની બેટિંગ કરી હતી અને ન્યૂઝિલેન્ડને 34.3 ઓવરમાં 108 રનમાં આઉટ કરી દીધું હતું.

આ પણ વાંચો…જાન લઈને નીકળેલા વરરાજાની ગાડી સામે આવ્યો સિંહ, જાણો પછી શું થયું; વીડિયો વાઈરલ

ભારતીય ટીમ પ્રથમ વખત રાયપુરમાં આંતરરાષ્ટ્રીય મેચ રમી હતી. અહીંની પીચ ટીમ ઈન્ડિયાના બોલરો માટે સ્વર્ગ સમાન સાબિત થઈ હતી. ભારતે 20.1 ઓવરમાં બે વિકેટે 111 રન બનાવીને મેચ જીતી લીધી હતી. મોહમ્મદ શમીએ ત્રણ વિકેટ ઝડપી હતી.