Heavy Rain: સૌરાષ્ટ્રના ઘણા ભાગોમાં 4 ઈંચ વરસાદ ખાબક્યો, બિપોરજોય 400 KM દૂર, અસરો શરૂ

રાજકોટઃ ગુજરાતમાં બિપોરજોયને લઈને તંત્ર એલર્ટ પર છે. હજુ આ વાવાઝોડું ગુજરાતથી 400 KM કરતા વધારે દૂર હોવાનું અનુમાન છે ત્યારે ગુજરાતમાં વરસાદ અને ભારે પવન ફૂંકાવા સહિતની બાબતોમાં તેની અસર જોવા મળી રહી છે. હાલમાં જે રીતે આ વાવાઝોડાની સંભાવનાઓ સામે આવી રહી છે તે જોતા મોટાભાગના ખેડૂતોમાં ચિંતાનું પણ વાવાઝોડું ફૂંકાઈ ચુક્યું છે. કારણ કે હમણાં જ ગુજરાતના ખેડૂતોએ માવઠાનો માર સહન કર્યો છે. ત્યારે હવે ટુંકા સમયમાં આથી વધારે આકરી સ્થિતિ ઊભી થાય તે તેમના માટે ચિંતાનો વિષય બન્યો છે. ગુજરાતમાં આજે બપોર પછી સૌરાષ્ટ્રના ઘણા ભાગોમાં વરસાદ પડ્યો છે. ખાસ કરીને વેરાવળ અને સુત્રાપાડામાં 4 ઈંચ વરસાદ ખાબક્યો છે.