ગુજરાત યુનિવર્સિટીના કોમર્સ-સાયન્સ સહિત વિવિધ કોર્ષની પરીક્ષાઓ પાછી ઠેલાઈ, જાણો નવી તારીખ

ક્યારે લેવાશે પરીક્ષા?
ગુજરાત યુનિવર્સિટી સંલગ્ન કોમર્સ, સાયન્સ, લૉ સહિતના વિવિધ કોર્ષની પરીક્ષાઓ ચૂંટણીના લીધે પાછળ ખસેડવામાં આવી છે. જેમાં 22 નવેમ્બરે શરૂ થનારી પરીક્ષાને 13 ડિસેમ્બર અને 8 ડિસેમ્બરથી શરૂ થનારી પરીક્ષાને 27મી ડિસેમ્બરે યોજવાનો નિર્ણય ગુજરાત યુનિવર્સિટી દ્વારા લેવામાં આવ્યો છે. આ મુદ્દે યુનિવર્સિટી દ્વારા સંલગ્ન કોલેજોના પ્રિન્સિપાલને પત્ર લખીને જાણ કરવામાં આવી છે.

કર્મચારીઓ ચૂંટણીની કામગીરીમાં વ્યસ્ત હોવાથી પરીક્ષા પાછી ઠેલાઈ
નોંધનીય છે કે, ચૂંટણીની કામગીરીમાં મોટા ભાગના સરકારી કર્મચારીઓ ફરજ બજાવતા હોય છે. ત્યારે કોલેજના પ્રોફેસરો સહિતનો ઘણો સ્ટાફ પણ આ કામગીરીમાં જોડાતો હોય છે. ઉપરાંત મતદાનની પ્રક્રિયા પણ મોટાભાગે શૈક્ષણિક સંસ્થાઓમાં રાખવામાં આવતી હોય છે. એવામાં પરીક્ષાનું આયોજન શક્ય ન હોવાથી પરીક્ષાને પાછળ ખસેડવાનો નિર્ણય લેવામાં આવ્યો છે.