ગુજરાતમાં વધુ એક પેપરલીક કાંડ, સૌરાષ્ટ્ર યુનિવર્સિટીના BBA, BCOM સેમ-5ના પેપર થયા લીક

વિદ્યાર્થીઓના ભાવી સાથે ચેડા
સૌરાષ્ટ્ર યુનિવર્સિટીના નિયમો પ્રમાણે એક દિવસ પહેલા પેપરોને કેન્દ્રો પર મોકલવાના નિર્ણયથી આવી ઘટના બનતી હોવાનું પણ અનુમાન લગાવાઈ રહ્યું છે. જોકે આવા પેપર લીક થતા હજારો વિદ્યાર્થીઓના ભવિષ્ય સાથે ચેડા કરવામાં આવી રહ્યા છે. જોકે આ દરમિયાન પોલીસે પરીક્ષા નિયામક નિલેષ સોની સાથે રાતોરાત પૂછપરછ કરી હતી.

પરીક્ષા નિયામકે કહ્યું…
પેપર લીક મુદ્દે પરીક્ષા નિયામક નિલેશ સોનીએ કહ્યું કે હવે ભવિષ્યમાં અમે હાર્ડ કોપી બંધ કરી દેવા પર ભાર આપીશું. ત્યારપછી અમે માત્ર સોફ્ટ કોપી એ પણ પાસવર્ડ પ્રોટેક્ટેડ ફાઈલ સાથે પ્રિન્સિપાલને મેઈલ કરી દઈશું. આનાથી પેપર લીક થવાની ઘટના પર વિરામ મૂકી શકાશે. ઉલ્લેખનીય છે કે તેમણે જણાવ્યું કે યૂનિવર્સિટીના અધિકારીઓ હવે પોલીસ ફરિયાદ કરશે અને આમાં જેની પણ સંડોવણી હશે તેની સામે કાયદેસરની કાર્યવાહી હાથ ધરાશે એની ખાતરી પણ આપી છે.