ચૂંટણીનો અનોખો જંગ, માણાવદરમાં પિતા ભાજપમાં તો પુત્ર AAPમાં જોડાતા સામ-સામે આવ્યા…

ભાજપને જુનાગઢમાં હારનો સામનો કરવો પડ્યો
ગત ટર્મની ચૂંટણીમાં જુનાગઢમાં ભાજપને હારનો સામનો કરવો પડ્યો હતો. ત્યારે આમ આદમી પાર્ટીનું વર્ચસ્વ દિવસેને દિવસે વધતુ જઈ રહ્યું છે. તેવામાં 2017માં જુનાગઢની પાંચ સીટમાંથી 4 સીટ પર કોંગ્રેસને જીત મેળવી હતી. આ દરમિયાન માણાવદર બેઠક પરથી જવાહર ચાવડાની કોંગ્રેસથી જીત થઈ હતી ત્યારપછી તેઓ 2018માં ભાજપમાં જોડાયા હતા. તેવામાં હવે ચૂંટણી પહેલા રાજકારણ ગરમાયું છે.

પિતા ભાજપમાં તો પુત્ર આપમાં જોડાયો
ભાજપના દિગ્ગજ નેતા જેઠાભાઈ પનારાએ ભાજપમાં વર્ચસ્વ સ્થાપિત કરવા માટે શક્તિ પ્રદર્શન કરવા માટે તેમની પ્રાઈવેટ કોલેજમાં કાર્યક્રમનું આયોજન કર્યું હતું. જેમાં સી.આર.પાટિલે પણ હાજરી આપી હતી. તેવામાં જેઠાભાઈ પાનેરાનું પુત્ર સમીર પાનેરાએ પિતાની વિચારધારાથી અલગ પગલું માંડ્યું હતું. તેણે આમ આદમી પાર્ટીમાં જોડાવવાનું પસંદ કર્યું છે. જોકે આની પાછળનું ગણિત અલગ છે. ભાજપમાંથી ટિકિટ મળવી મુશ્કેલ છે જ્યારે આમ આદમી પાર્ટીથી તેમને સરળતાથી મળી શકે છે.

સમીર પાનેરાએ કહ્યું કે…
આમ આદમી પાર્ટીમાં જોડાવવાનું કારણ જનતાની સેવા કરવાનું છે. તેઓ અરવિંદ કેજરીવાલની વિચારધારાથી પ્રભાવિત થયા છે. મારો પણ સેવા કરવાનો ઉદ્દેશ્ય છે જે AAPમાં જોડાઈને હું પૂરો કરી શકીશ એમ લાગી રહ્યું છે. હું આજીવન આમ આદમી પાર્ટીમાં સેવા આપવા ઈચ્છું છું. તેવામાં હવે સમીર પાનેરા પોતાના પિતાથી અલગ રાજકીય પાર્ટીમાં જોડાઈ પોતાની કારકિર્દીની શરૂઆત કરવા જઈ રહ્યા છે. તેવામાં ભાજપ દ્વારા જેઠાભાઈ પાનેરા પર અલગ દબાણ હશે અથવા તેઓ પાર્ટી પર ટિકિટ માટે દબાણ કરી રહ્યા છે.

તેવામાં હવે એ જોવાજેવું રહેશે કે અલગ અલગ પાર્ટીમાં જોડાવવાથી જેઠાભાઈ ભાજપ પર દબાણ કરવા માગતા હશે. જોકે બીજી બાજુ જોવા જઈએ તો અત્યારે ભાજપની આ બેઠક પરથી પકડ લગભગ ઓછી જણાઈ રહી છે.