Gujarat Congress: વધુ એક નેતાએ પાર્ટીને કહ્યું 'રામ રામ', માણાવદરના MLA અરવિંદ લાડાણીનું 'ના'રાજીનામું

Loksabha Election 2024: કોંગ્રેસ નેતા રાહુલ ગાંધીની ન્યાય યાત્રા ગુજરાતમાં એન્ટ્રી કરવા જઈ રહી છે. તે પહેલા જ ગુજરાત કોંગ્રેસમાં ભૂકંપ આવ્યો છે. એક પછી એક મોટા નેતાઓએ કોંગ્રેસનો સાથ છોડી દીધો છે. અર્જુન મોઢવાડિયા અને અંબરીશ ડેર બાદ હવે માણાવદરના કોંગ્રેસના ધારાસભ્ય અરવિંદ લાડાણીએ પણ ધારાસભ્ય પદેથી રાજીનામું આપ્યું છે. તેઓએ વિધાનસભાના અધ્યક્ષ શંકર ચૌધરીને રાજીનામું આપ્યું છે. અરવિંદ લાડાણીના રાજીનામા બાદ હવે વિધાનસભામાં કોંગ્રેસનું સંખ્યાબળ ઘટીને 13 થયું છે. સૌરાષ્ટ્રમાં કોંગ્રેસનું પ્રતિનિધિત્વ કરતાં માત્ર એક ધારાસભ્ય વિમલ ચુડાસમા વધ્યા છે.