ગોપાલ ઈટાલિયાએ કહ્યું- ભાજપને AAP હરાવી શકે છે, MCD રિઝલ્ટ એનું શ્રેષ્ઠ દ્રષ્ટાંત

ગોપાલ ઈટાલિયાનો દાવો…
અહેવાલો પ્રમાણે ગોપાલ ઈટાલિયાએ એમસીડી ચૂંટણીમાં જીત મળ્યા બાદ પ્રેસ કોન્ફરન્સનું આયોજન કર્યું હતું. જેમાં તેમણે કહ્યું છે કે આમ આદમી પાર્ટી હવે રાષ્ટ્રીય પાર્ટી તરીકે દેશમાં પાયો નાંખી રહી છે. ત્યારે બીજી બાજુ ભાજપને હરાવ્યા અંગે પણ નિવેદન આપ્યું હતું. ઈટાલિયાએ કહ્યું કે દિલ્હી MCDના પરિણામે એક વાતનું દ્રષ્ટાંત પૂરૂ પાડ્યું છે કે આમ આદમી પાર્ટી, ભાજપને હરાવી શકે છે.

ગુજરાત ચૂંટણી વિશે કર્યો મોટો દાવો…
અહેવાલો પ્રમાણે આ પ્રેસ કોન્ફરન્સમાં ઈટાલિયાએ વધુમાં કહ્યું કે ગુજરાતમાં વિધાનસભા ચૂંટણીના પરિણામો પણ મોટુ ઉદાહરણ સ્થાપિત કરશે. ભાજપને રોકવા માટે આમ આદમી પાર્ટી સક્ષમ હોવાનો દાવો પણ તેમણે કર્યો હતો. તેણે વધુમાં કહ્યું હતું કે સરવે પ્રમાણે જોવા જઈએ તો આમ આદમી પાર્ટીને સારા પ્રમાણમાં વોટ શેર મળ્યા છે. ગુજરાતની જનતાના પ્રેમના કારણે આમ આદમી પાર્ટી રાષ્ટ્રીય પાર્ટી બની જશે તેમ પણ ગોપાલ ઈટાલિયાએ જણાવ્યું હતું.