વિરાટ કોહલી સાથે ઝઘડા બાદ ગૌતમ ગંભીરે કર્યું ‘આગમાં ઘી નાખે’ તેવું ટ્વીટ, ‘આ જ કળિયુગ છે…’

ગંભીરના ટ્વીટમાં શું લખ્યું છે?
ગૌતમ ગંભીરની આ ટ્વીટ અડધી હિન્દીમાં અને અડધી અંગ્રેજીમાં છે. ગંભીરે લખ્યું, “જે વ્યક્તિ દિલ્હી ક્રિકેટથી ભાગી ગયો હતો તે હવે દબાણ બનાવી રહ્યો છે. એવું લાગે છે કે તે ક્રિકેટ પ્રત્યે પોતાની ચિંતા વ્યક્ત કરતી વખતે પેઇડ PR કરવામાં વ્યસ્ત છે. આ કળિયુગ છે જ્યાં ભાગેડુઓ પોતાની કોર્ટ ચલાવે છે.

Man who ran away from Delhi Cricket citing “pressure” seems over eager to sell paid PR as concern for cricket! यही कलयुग़ है जहां ‘भगोड़े’ अपनी ‘अदालत’ चलाते हैं।

— Gautam Gambhir (@GautamGambhir) May 3, 2023

10 વર્ષ બાદ ફરી બાખડ્યા બંને ક્રિકેટર
લખનઉ સુપર જાયન્ટ્સ અને રોયલ ચેલેન્જર્સ બેંગ્લોર વચ્ચેની મેચ દરમિયાન દિલ્હીના આ બંને ખેલાડીઓ સામસામે આવી ગયા હતા. 10 વર્ષ પછી બંને આ રીતે મેદાન પર લડતા જોવા મળ્યા. હાલના મામલામાં BCCI તરફથી કડક વલણ અપનાવતા બંનેની મેચ ફીમાંથી 100 ટકા રકમ કાપવામાં આવી હતી.

નવીન ઉલ હકથી શરૂ થયો વિવાદ
આ વિવાદ ત્યારે શરૂ થયો જ્યારે વિરાટ કોહલીએ નવીન ઉલ હક અને અમિત મિશ્રાને મેદાન પર સ્લેજ કર્યા. મેચ પછી હાથ મિલાવતી વખતે નવીને આ મુદ્દે વિરાટને ઘેર્યો ત્યારે મામલો ગરમાયો. આ પછી કાયલ મેયર્સ આ સમગ્ર વિવાદમાં કૂદી પડી હતી. તેનો અંત ગૌતમ ગંભીર અને વિરાટ કોહલી વચ્ચેના શાબ્દિક યુદ્ધ સાથે થયો.