કોંગ્રેસનો નગારે ઘા, ભાજપના પૂર્વ પ્રદેશ મંત્રી મનુ ચાવડા કોંગ્રેસમાં જોડાયા

ભાજપના પૂર્વ નેતા મનુ ચાવડા કોંગ્રેસ માં જોડાયા છે. મનુ ચાવડા ભાજપમાં પ્રદેશ મંત્રી, દક્ષિણ ગુજરાતનાં પ્રભારી અને સરકારના નિગમના ઉપાધ્યક્ષ પણ રહી ચૂક્યા છે. કોંગ્રેસમાં જોડાયા બાદ મનુ ચાવડાએ ભાજપ પર પ્રહાર કરતાં જણાવ્યું હતું કે, હાલની સરકારમાં મોંઘવારીએ માઝા મૂકી છે. અને નાના અને મધ્યમ પરિવારને ઘર ચલાવવું મુશ્કેલ બન્યું છે. યુવા બેરોજગારી વધી રહી છે. ત્યારે ગુજરાતમાં પરિવર્તન આવે અને લોકો સારી આરોગ્ય સેવા, શિક્ષણ, મળી રહે તે ભૂતકાળમાં કોંગ્રેસની સરકારોમાં થયું છે. અને તેવો પોતાની માતૃ સંસ્થામાં ફરી પરત આવ્યા છે.

મનુ ચવડાની રાજકીય સફર
નેતાઓ કોંગ્રેસ અને અન્ય પાર્ટી માંથી ભાજપમાં જોડાય છે ત્યારે ભાજપ ના પૂર્વ નેતા મનુ ચાવડા કોંગ્રેસમાં જોડાયા હતા. તેના કારણે વિધાનસભાની ચુંટણીમાં કોંગ્રેસને કોળી વોટ બેંક પર ફાયદો થઈ શકે છે. તેવો 1995માં બોટાદ વિધાનસભા તત્કાલના મહેસૂલ મંત્રી દલસુખ ગોધાણી સામે અપક્ષમાં ચૂંટણી લડ્યા હતા. ત્યારે એવો નોંધનીય મત લઈ આવ્યા હતા ત્યાર બાદ તેવો ભાજપ માં જોડાયા હતા અને ભાજપ માં પ્રદેશ મંત્રી, દક્ષિણ ગુજરાત ના પ્રભારી અને સરકાર ના નિગમ ના ઉપાધ્યક્ષ પણ રહી ચૂક્યા છે. તેવો નિગમ ના ઉપાધ્યક્ષ હતા ત્યારે નિગમ માંથી પગાર કે અન્ય કોઈ ભથ્થા લેતા નહીં અને કોળી સમાજ માં દક્ષિણ ગુજરાત અને સૌરાષ્ટ્ર માં વર્ચવસ્વ ધરાવે છે. તેના કારણે કોંગ્રેસ ને ફાયદો થઈ શકે છે. ત્યારબાદ તેમણે જનચેતના પાર્ટીની સ્થાપન કરી હતી. રાષ્ટ્રવાદી જન ચેતના પાર્ટીની સ્થાપના કરી ત્યારે હવે મનુભાઈ ચાવડા પોતાના સમર્થકો સાથે કોંગ્રેસમાં જોડાયા છે. મનુભાઈ SC-ST-OBC (SSO) મહાસંઘના પ્રદેશ પ્રમુખ છે.

કોળી સમાજની પ્રભુત્વ વાળી બેઠક પર અસર થશે
કોંગ્રેસના નેતા હિરેન બેંકરે કહ્યું કે, મનુ ચાવડાના કોંગ્રેસમાં જોડવાથી દક્ષિણ ગુજરાત અને સૌરાષ્ટ્રની કોળી સમાજની પ્રભુત્વ વાળી બેઠક પર અસર થશે અને કોંગ્રેસના 125 બેઠકના જીતવાના લક્ષ્યાંકને પાર કરવામાં મદદરૂપ થશે.