પૂર્વ CM આનંદીબેનના પુત્રી અનાર પટેલની ‘ખોડલધામ નરેશ’ સાથે મુલાકાત, બેઠકમાં શું થઈ ચર્ચા?

નરેશ પટેલ અને અનાર પટેલ વચ્ચે થઈ બેઠક
આનંદીબેન પટેલના પુત્રીના અચાનક જ ખોડલધામ પહોંચ્યા હતા અને તેમણે ત્યાં મંદિરમાં માથું ટેકવ્યું હતું. આ બાદ અનાર પટેલ અને ખોડલધામના ચેરમેન નરેશ પટેલ વચ્ચે એક બેઠક પણ થઈ હતી. ચૂંટણી પહેલા જ બંને વચ્ચેની બેઠકથી અનેક અટકળો વહેતી થઈ છે.

નવરાત્રી હોવાથી માતાજીના દર્શને આવ્યા હતા?
જોકે ખોડલધામના સૂત્રો મુજબ, નવરાત્રીનો તહેવાર ચાલતો હોવાથી અનાર પટેલ માતાજીના દર્શને આવ્યા હતા. તેમની આ મુલાકાતનો કોઈ રાજકીય મતલબ નહોતો અને આ પ્રકારની કોઈ ચર્ચા પણ કરવામાં આવી નહોતી.

તાજેતરમાં કેજરીવાલે પણ ખોડલધામની મુલાકાત લીધી હતી
નોંધનીય છે કે, ગુજરાતમાં આ વખતની ચૂંટણીમાં ભાજપ અને કોંગ્રેસ સાથે આમ આદમી પાર્ટી પણ જંપ લાવી રહી છે. તમામ પક્ષો પાટીદાર મતદારોને પોતાની તરફ આકર્ષવા પ્રયાસ કરી રહ્યા છે. કેજરીવાલે શનિવારે જ ખોડલધામના ગરબા કાર્યક્રમમાં હાજરી આપી હતી. જે બાદ આનંદીબેનના દીકરી અનાર પટેલ ખોડલધામની મુલાકાતે આવતા તેઓ કોઈ ખાસ મેસેજ લઈને આવ્યા હતા કે કેમ તે અંગેની ચર્ચાઓ શરૂ થઈ હતી.