લોકશાહીનો ઉત્સવ: બીમાર વૃદ્ધા એમ્બ્યૂલન્સમાં મત આપવા પહોંચ્યા, બુથની અંદર સ્ટ્રેચર પર જઈ વોટ આપ્યો

બુથની અંદર સ્ટ્રેચર પર જઈને વોટ આપ્યો
આણંદમાં આજે મતદાન મથક પર એક અલગ જ નજારો જોવા મળ્યો હતો. વોટ નાખવા માટે એક વૃદ્ધા એમ્બ્યૂલન્સથી મતદાન મથકે પહોંચ્યા હતા. ચાલવામાં અસમર્થ આ વૃદ્ધાએ છેક મતદાન બુથની અંદર સ્ટ્રેચર પર જઈને જ પોતાનો મત આપ્યો હતો. એક બાજુ લોકો મતદાન માટે ઘરેથી બહાર નીકળવા લોકોને અપીલ કરવામાં આવી રહી છે, ત્યારે બીજી બાજુ આણંદમાં વૃદ્ધા બીમાર હોવા છતાં હોસ્પિટલથી ખાસ પોતાનો વોટ આપવા આવીને મોટું ઉદાહરણ પૂરું પાડી રહ્યા છે.

આણંદના મતદારોમાં લોકશાહીના પર્વનો અનેરો ઉત્સાહ, વૃદ્ધાએ સ્ટ્રેચર પર મતદાન મથકની અંદર જઈ મતાધિકારનો ઉપયોગ કર્યો#Gujaratelections2022 #ElectionwithGujarattak pic.twitter.com/OLTV9CwIDN

— Gujarat Tak (@GujaratTak) December 5, 2022

ગુજરાતમાં 11 વાગ્યા સુધીમાં 19.17 ટકા મતદાન
ઉત્તર અને મધ્ય ગુજરાતના મતદારોમાં સવારથી જ ખાસ ઉત્સાહ જોવા મળી રહ્યો છે. સવારે 11 વાગ્યા સુધીમાં બીજા તબક્કાની 93 સીટો પર 19.17 અંદાજીત મતદાન થયું હતું. જેમાં અમદાવાદમાં 16.51 ટકા, આણંદમાં 20.38 ટકા, અરવલ્લીમાં 20.38 ટકા, બનાસકાંઠામાં 21.02 ટકા, છોટા ઉદેપુરમાં 23.35 ટકા, દાહોદમાં 17.83 ટકા, ગાંધીનગરમાં 20.39 ટકા, ખેડામાં 19.63 ટકા, મહેસાણામાં 20.66 ટકા, મહીસાગરમાં 17.06 ટકા, પંચમહાલમાં 18.74 ટકા, પાટણમાં 18.18 ટકા, સાબરકાંઠામાં 22.18 અને વડોદરામાં 18.77 ટકા મતદાન થયું છે.

(વિથ ઈનપુટ: હેતાલી શાહ)